棋盤蛋糕食譜 (8″)

程序
第一係要整咗原味海棉蛋糕先.
第二係要整朱古力味海棉蛋糕.

預備功夫
第一係要將雞蛋放置室溫.
第二係要將牛油紙鋪入模.
第三係要將原味海棉蛋糕嘅低筋麵粉先篩勻, 待用.
第四係要將朱古力味海棉蛋糕嘅低筋麵粉 + 朱古力粉先篩勻, 待用.
第五係要將牛油煮溶, 待用.
第六係要預備一瓶果醬. (組合時用)

原味海棉蛋糕材料:
雞蛋……………………125g(2.5隻)
砂糖……………………42.5g
低筋麵粉………………50g
牛油(溶液)……………17.5g(~1tbsp)

朱古力味海棉蛋糕材料 :
雞蛋……………………125g(2.5隻)
砂糖……………………42.5g
低筋麵粉………………40g
朱古力粉………………7.5g
牛油(溶液)……………17.5g(~1tbsp)

原味海棉蛋糕做法:
1. 將焗爐預熱170度.
2. 將全蛋先發好, 慢慢加入砂糖用中速打至變白後.
3. 轉慢速, 將盆慢慢順時針轉地打發至杰身. (用手指點起小小蛋糊, 有1″似水點形態不滴下, 再掃上去手上而不下滑, ok)
4. 將低筋麵粉分3次篩入 (3) , 用打蛋器邊加邊攪. (向左2下向右2下直至完全混合)
5. 再將牛油(溶液)慢慢加入蛋糊中, 用橡皮刀以輕手切拌方式(fold-in)攪勻至混合. (好似寫個o字噤).
6. 將蛋糕漿倒入蛋糕模內, 登一登個模.
7. 放入已預熱嘅焗爐, 用中層焗約20-25mins.
8. 出爐後即脫模, 撕開4邊牛油紙, 放涼. [完成]

朱古力味海棉蛋糕做法:
1. 將焗爐預熱170度.
2. 將全蛋先發好, 慢慢加入砂糖用中速打至變白後.
3. 轉慢速, 將盆慢慢順時針轉地打發至杰身. (用手指點起小小蛋糊, 有1″似水點形態不滴下, 再掃上去手上而不下滑, ok)
4. 將已篩勻嘅 (低筋麵粉 + 朱古力粉) 分3次篩入 (3) , 用打蛋器邊加邊攪. (向左2下向右2下直至完全混合)
5. 再將牛油(溶液)慢慢加入蛋糊中, 用橡皮刀以輕手切拌方式(fold-in)攪勻至混合. (好似寫個o字噤).
6. 將蛋糕漿倒入蛋糕模內, 登一登個模.
7. 放入已預熱嘅焗爐, 用中層焗約20-25mins.
8. 出爐後即脫模, 撕開4邊牛油紙, 放涼. [完成]

組合做法:
A. 將2片海棉蛋糕放涼後, 把其中1片海棉蛋糕面揸上自己喜愛嘅果醬.
B. 將另1片海棉蛋糕面放上已揸果醬蛋糕上, 按實.
C. 將蛋糕切成大小相同嘅方形.
D. 將邊與邊之間嘅蛋糕面揸上果醬, 按實.
E. 好似砌積木噤, 慢慢砌出來, 砌好後放入雪櫃雪20mins, 自由裝飾. [完成] 

p.s.

蛋黃(1隻約20g)

蛋白(1隻約30g)

特大士多啤梨果撻食譜 大約整到 6個 (約 7 cm)

程序
第一係要整咗 {撻皮} 先, 因為起碼要雪1個鐘才用得.
第二係要整 {撻料}.
第三係要整 {撻面}.

預備功夫
第一係要將無鹽牛油室溫放至軟化.
第二係要將雞蛋放置室溫.
第三係要將低筋麵粉先篩勻.

撻皮材料:
牛油……………………45g
糖霜……………………20g
雞蛋……………………6g
牛奶……………………4g
低筋麵粉………………85g

撻餡材料 :
朱古力…………………50g
即食吉士粉……………40g
凍奶……………………120g
特大士多啤梨…………6粒

撻面材料 :
糖水……………………100g
魚膠粉…………………8g

撻皮做法:
1. 將已放軟嘅無鹽牛油 + 糖霜, 用打蛋器快手攪勻至變白.
2. 將雞蛋加入 (1) 攪勻, 再加入牛奶攪勻至完全混合於牛油中.
3. 將低筋麵粉分3次篩入 (2) , 用橡皮刀拌勻, 搓成撻皮.
4. 將撻皮用保鮮紙包好放入雪櫃, 雪1個鐘.
5. 將撻皮取出, 用棍壓成3-4mm厚度, 用模印出撻皮形狀.
6. 將撻皮放入撻模中心, 由中心開始慢慢按壓至邊位, 撻皮邊位要高過撻模.
7. 係撻中心吉幾個小孔後, 放入雪櫃雪20-30mins.
8. 用200度, 焗約15-20mins, 備用. [完成]

撻餡做法:
1. 用熱水將朱古力坐溶.
2. 將凍奶慢慢加入吉士粉內攪勻. (可另加淡忌廉&rum酒, 味道更好) [完成]

撻面做法:
1. 將糖水 + 魚膠粉後.
2. 用熱水座溶. [完成]

組合做法:
A. 將朱古力溶掃上撻皮上.
B. 將吉士餡放入撻內.
C. 再放上特大士多啤梨.
D. 將魚膠糖水掃上後, 放入雪櫃雪30mins以上. [完成]

蛋白香蕉撻食譜 大約整到 6個 (約 7 cm)

程序
第一係要整咗 {撻皮} 先, 因為起碼要雪1個鐘才用得.
第二係要整 {撻料}.
第三係要整 {撻面}.

預備功夫
第一係要將無鹽牛油室溫放至軟化.
第二係要將雞蛋放置室溫.
第三係要將低筋麵粉先篩勻.

撻皮材料:
牛油……………………45g
糖霜……………………20g
雞蛋……………………6g
牛奶……………………4g
低筋麵粉………………85g

撻餡材料 :
朱古力…………………60g
香蕉……………………1隻

撻面材料 :
蛋白……………………1隻
砂糖……………………30g

撻皮做法:
1. 將已放軟嘅無鹽牛油 + 糖霜, 用打蛋器快手攪勻至變白.
2. 將雞蛋加入 (1) 攪勻, 再加入牛奶攪勻至完全混合於牛油中.
3. 將低筋麵粉分3次篩入 (2) , 用橡皮刀拌勻, 搓成撻皮.
4. 將撻皮用保鮮紙包好放入雪櫃, 雪1個鐘.
5. 將撻皮取出, 用棍壓成3-4mm厚度, 用模印出撻皮形狀.
6. 將撻皮放入撻模中心, 由中心開始慢慢按壓至邊位, 撻皮邊位要高過撻模.
7. 係撻中心吉幾個小孔後, 放入雪櫃雪20-30mins.
8. 用200度, 焗約15-20mins, 備用. [完成]

撻餡做法:
1. 用熱水將朱古力坐溶.
2. 將香蕉切成一片片. [完成]

撻面做法:
1. 將蛋白先發好.
2. 將砂糖分2次加入 (1), 用高速打至企身. (即反轉都唔會倒下來) [完成]

組合做法:
A. 將朱古力溶掃上撻皮上.
B. 放上香蕉片後, 再掃上朱古力溶.
C. 將撻模排好係焗盤上. 
D. 將蛋白放上撻面後, 用叉整成角紋狀.
E. 即放入焗爐, 用180度, 焗約6mins, 變金黃色. [完成]

鮮奶蛋撻食譜 大約整到 12個 (約 7 x 7 cm)

程序
第一係要整咗 {撻皮} 先, 因為起碼要雪1個鐘才用得.
第二係要整 {鮮奶餡}.

預備功夫
第一係要將無鹽牛油室溫放至軟化.
第二係要將雞蛋放置室溫.
第三係要將低筋麵粉先篩勻. 

撻皮材料:
牛油……………………90g
糖霜……………………40g
雞蛋……………………12g
牛奶……………………8g
低筋麵粉………………170g 

鮮奶餡材料 :
蛋白……………………2隻
鮮奶(細屋)……………1盒
糖霜……………………60g

撻皮做法:
1. 將已放軟嘅無鹽牛油 + 糖霜, 用打蛋器快手攪勻至變白.
2. 將雞蛋加入 (1) 攪勻, 再加入牛奶攪勻至完全混合於牛油中.
3. 將低筋麵粉分3次篩入 (2) , 用橡皮刀拌勻, 搓成撻皮.
4. 將撻皮用保鮮紙包好放入雪櫃, 雪1個鐘.
5. 將撻皮取出, 用棍壓成3-4mm厚度, 用模印出撻皮形狀.
6. 將撻皮放入撻模中心, 由中心開始慢慢按壓至邊位, 撻皮邊位要高過撻模, 再吉幾個小孔, 放入雪櫃雪凍備用. [完成]

鮮奶餡做法:
1. 將蛋白先發好.
2. 將鮮奶 + 糖霜攪勻.
3. 將 (1) + (2) 攪勻至混合. [完成]

組合做法:
A. 將撻模排好係焗盤上.
B. 將鮮奶餡倒入撻模內. (90%滿).
C. 用230度, 焗約20-25mins. [完成] 

虎皮紋卷蛋食譜 1條 (約8″)

程序
第一係要整咗雪芳蛋糕先.
第二係要整塊虎皮紋蛋糕.
第三係要整檸檬忌廉餡料.

預備功夫
第一係要將雞蛋放置室溫.
第二係要將牛油紙鋪入模.
第三係要將低筋麵粉先篩勻.
第四係要將砂糖 + 發粉攪勻, 待用.
第五係要批出檸檬青(只要黃色部份, 唔好批到白色), 再將檸檬搾汁, 待用.
第六係要將蛋黃先打勻.

雪芳蛋糕材料:
蛋黃……………………50g
牛奶……………………15g
菜油……………………27g
低筋麵粉………………40g
蛋白……………………75g
砂糖……………………32.5g
發粉……………………1.5g

虎皮紋蛋糕材料 :
蛋黃……………………60g
砂糖……………………35g
栗粉……………………10-15g

檸檬忌廉餡材料:
牛奶……………………90+10g
砂糖……………………12g
蛋黃……………………8g
吉士粉(要煮)…………10g
檸檬汁…………………16g
檸檬青…………………隨意
冇鹽牛油………………3g

雪芳蛋糕做法:
1. 將焗爐預熱200度.
2. 將蛋黃先發好, 加入牛奶發一發, 再加入菜油撈勻.
3. 將低筋麵粉分3次篩入 (2) , 邊加邊攪至完全混合.
4. 將蛋白放入另一隻大碗中先發好, 加入 (砂糖 + 發粉) , 用中速打至有光澤及雞公尾般, 不要企身/尖.(蛋白狀態係最好嘅)
5. 先將 1/3 嘅蛋白加入蛋黃糊, 用橡皮刀以輕手切拌方式(fold-in)攪勻至混合. (好似寫個o字噤).
6. 再將蛋黃糊加入 2/3 嘅蛋白內用橡皮刀以輕手切拌方式(fold-in)攪勻至混合. (好似寫個o字噤).
7. 將蛋糕漿倒入蛋糕模內. 
8. 放入已預熱嘅焗爐, 焗約12-15mins.
9. 出爐後即脫模, 撕開4邊牛油紙, 放涼. [完成] 

* 雪芳蛋糕可隨意轉味道 : 只需要將任何味道加入蛋黃內即可.
朱古力味 : 朱古力粉 15g (減返低筋麵粉 15g)
綠茶味 : 綠茶粉 3g (不用減低筋麵粉)

虎皮紋蛋糕做法:
1. 將焗爐預熱220-230度.
2. 將蛋黃先發好 (要由深黃色變淺黃色), 加入砂糖後再打發 (一定要打到變白色).
3. 將栗粉篩入 (2) , 邊加邊攪至完全混合.
4. 將蛋糕漿倒入已掃油嘅蛋糕模內.
5. 放入已預熱嘅焗爐上層, 焗約6-8mins, 摸落軟身見虎紋.(唔好多過10mins會太乾卷唔到)
6. 出爐後即登一登個模, 放涼後脫模. [完成]

檸檬忌廉餡做法:
1. 將牛奶10g + 砂糖 + 蛋黃 + 吉士粉, 邊加邊攪至完全混合.
2. 另外將牛奶90g煮熱後, 再將 (1) 加入攪至完全混合, 再加入檸檬汁&青攪勻.
3. 熄火後加入冇鹽牛油攪至完全混合, 放涼. [完成]

如用即食吉士粉 : 只需要用1份吉士粉比3份凍水/奶即可
做法 : 將凍水/奶慢慢加入吉士粉內攪勻. (可另加淡忌廉&rum酒, 味道更好) [完成]

如用鮮忌廉 : 只需要用淡忌廉 100g , 糖霜 12.5g , 魚膠粉 1g , 水 3g
做法 :
1. 將水加入魚膠粉內攪勻至溶解.
2. 將淡忌廉加糖霜打起至cream狀. (不要打太耐否則會變水, 不能用)
3. 將 (1) + (2) 混合即可 [完成]

組合做法:
A. 將保鮮紙鋪好, 虎皮紋向下放係保鮮紙上, 揸上檸檬忌廉餡.
B. 將雪芳蛋糕底面放上虎皮紋蛋糕上, 再揸上檸檬忌廉餡. (可随意加入生果,紅豆….)
C. 將保鮮紙拿起, 慢慢卷起 (第一下一定要按實), 由下至上卷上去. [完成]

p.s. 

蛋黃(1隻約20g)

蛋白(1隻約30g)

紅豆椰汁糯米糍食譜 大約整到 20粒 細細粒 (約1″)

程序
係要整塊 {糯米皮} 先, 因為要放涼2個鐘才用得或者可以放涼後放入雪櫃隔日才用.

預備功夫
第一係要煲滾水.
第二係要量好糖嘅份量.

糯米皮材料:
糯米粉…………………140g
粘米粉…………………12g
糖………………………80g
滾水……………………205g
椰漿……………………200ml

餡料 :
紅豆茸…………………100g

糯米皮做法:
A. 將糯米粉 + 粘米粉先篩勻, 過篩2次, 待用.
B. 將滾水 + 糖, 邊倒邊攪至糖熔.
C. 將 (B) 倒入 (A) 邊倒邊攪, 要快手攪勻.
D. 將椰漿倒入 (C) 內, 攪勻後放入微波爐叮3mins, 取出.(又水又糕狀態)
E. 將 (D) 攪勻成粉糰狀後, 再放入微波爐叮3mins30sec, 取出再攪勻, 再放入保鮮紙/袋中放涼後放入雪櫃雪凍備用.

組合做法:
將紅豆茸, 平均分好 (20份, 約@5g)
糯米皮都平均分好 (20份, 約@28g)
將紅豆茸放入糯米皮搓圓收口, 搓好後碌層椰絲, 雪凍後食得 [完成]

豆沙包食譜 大約整到 12個 (約 9cm)

程序
第一係要整咗 {皮} 先, 雪1個鐘後先用得.
第二係要將 {紅豆餡} 分成12份, 每份約20g, 雪凍備用.

預備功夫
第一係要將雞蛋放置室溫.
第二係要將低筋麵粉+發粉先篩勻.

皮材料:
蛋白……………………4隻
砂糖……………………100g
蛋黃……………………4隻
蜜糖……………………60g
低筋麵粉………………200g
發粉……………………1 1/2tsp
凍水……………………100g

紅豆餡材料 :
現成紅豆餡……………240g

皮做法:
1. 將蛋白放入大碗中先發好, 加入砂糖, 打發成忌廉狀.
2. 將蛋黃先發好, 加入蜜糖後再打發攪勻.
3. 將(2)加入(1)攪勻至混合.
4. 將低筋麵粉+發粉分3次篩入 (3) , 邊加邊攪至完全混合, 用保鮮紙包好放入雪櫃, 雪1個鐘.
5. 將(4)取出, 加入凍水邊加邊攪至完全混合.
6. 用慢火將皮煎至出現氣泡, 即反至另一面再煎.
7. 煎好後將皮放涼,備用.[完成]

組合做法:
A. 將2塊皮中間夾入紅豆餡, 輕輕按扁.[完成]

http://www.hughchick.com/images/doraemon.mp3

檸檬牛油蛋糕食譜 (6″)

預備功夫
第一係要將無鹽牛油室溫放至軟化.
第二係要批出檸檬皮茸.(只要黃色部份, 唔好批到白色)
第三係要將檸檬搾汁.
第四係要將雞蛋先打勻.
第五係要將自發粉先篩勻.

蛋糕材料 :
無鹽牛油…………………100g
砂糖………………………120g
檸檬汁……………………50ml (約1個)
檸檬皮茸…………………1tbsp (有就香d)
雞蛋………………………3隻
自發粉……………………160g

裝飾材料 :
糖霜………………………1tbsp

做法:
1. 將已軟化嘅無鹽牛油+砂糖打至軟滑.
2. 將檸檬汁加入(1)打勻.
3. 再將檸檬皮茸加入(2)打至忌廉狀.
4. 將雞蛋分3次加入(3)內攪勻.
5. 將自發粉分次篩入(4)中, 用橡皮刀攪勻至混合.
6. 預熱焗爐170度.
7. 將蛋糕漿倒入蛋糕模內.
8. 放入已預熱嘅焗爐, 焗約55-60mins.
9. 出爐後脫模即成.
10. 可在蛋糕面撒上糖霜. [完成]

西米大粒紅豆沙食譜 (2人) 

預備功夫
第一係要煲滾水.
第二係要將大粒紅豆用滾水浸約1hr, 洗淨後隔去水份.
第三係要將西米用滾水浸約1hr, 備用. 

糖水材料 :
西米………………………50g
大粒紅豆…………………170g
熱水………………………2L
冰糖………………………200g(甜度跟自己喜好) 

做法:
1. 將已隔水嘅大粒紅豆放入煲內.
2. 加入2L熱水後, 用中火煲滾後計20mins.
3. 加入已浸好嘅西米, 轉細火煲約10mins.
4. 將(3)放入炆燒煲內, 約2hrs後取出.  
5. 放回爐上細火, 加入芝麻湯圓&冰糖, 糖溶後試味. [完成]