今日未夠 2:00pm已經到咗健康院, 要等到2:00姑娘同醫生返來先有得睇.
我就帶埋張覆診卡同Antenatal Record, 直接去4号房見姑娘, 之後姑娘再叫我去12号房門外等候見醫生．
又係等叫名時間 ……
到我喇, 一入到去醫生話我個報告出咗喇~
好緊張好緊張…
第一驗到有念珠菌, 醫生話比d塞藥同藥膏我, 冇咩問題.
第二正常陰道係有益菌同害菌各一半, 由於我而家有BB, 所以荷爾蒙分泌唔同咗, 出現咗害菌多過益菌, 但現時就唔見意食藥.
起碼要12週後, 再驗多次, 先至再決定食藥喎.
好彩冇咩事, 噤都冇噤驚 :p
又見肚餓, 食咗之前外賣果半碗粥, 之後聽埋個產前護理講座就走喇 ~
返到屋企又好眼訓, 未打返個電話比媽咪就訓咗喇 ~
一訓就訓到成 7:00pm, 結果攪到媽咪好掛心 :p
本週身體及胎兒變化情形
幸福的 Kat 目前懷孕 7 週 0 天，預產期是 2008/07/14 ， 230 天後您的小寶貝就出生了。
我而家嘅 體重 : 108lb
肚圍 : 80cm
娠妊 2 個月（5～8週）
胎兒成長
胚 囊直徑 ：約2～2.5公分
胚囊重量：約4公克(約1塊方塊砂糖的重量)
母體正常變化
子宮底高度：約10公分
羊水量：約20CC
第7週 主要器官發展成形
1.胚胎快要進入胎兒期，頭部仍像一團肉塊向尾部彎曲，四肢形狀較趨明顯，但呈蹼翼狀。
2.頭部器官如眼、耳、鼻、口皆已發育成形。
3.心臟的四個房室構造形成。
4.可透過腹部超音波看到心跳。
第7週
1.出現害喜現象，包括：頭暈、頭痛、噁心、嘔吐、無力、容易倦怠、嗜睡、口水增多等症狀。
2.陰道分泌物增加。
下週重點：胚胎已演變成人形的樣子。
 |
||||||||||||||||||||||
| 2007年11月26日 – 2007年12月2日 | ||||||||||||||||||||||
|
||||||||||||||||||||||
|
||||||||||||||||||||||
母嬰健康院姑娘打電話來話我份報告出咗喇, 你下星期二 2:00pm帶埋張覆診卡同Antenatal Record, 直接去4号房見醫生啦．收線後, 心情有ｄ擔心, 唔知我份報告有咩問題呢!?第一時間打比老公, 話比佢知我有ｄ擔心, 姑娘叫我下星期二去見醫生睇報告.老公聽完後話一陣打比我.噤我就自己出去食lunch喇.
結果又打比媽咪, 話比佢知我有ｄ擔心, 姑娘叫我下星期二去見醫生睇報告.
媽咪話唔使噤擔心喎, 見醫生睇報告之嘛, 都未知咩事就擔心, 十月懷胎要放鬆心情, 保持開開心心就得架喇, 你初頭唔識潛水都要學啦, 學下就識架啦. 再唔係你可以祈禱, 你信主架嘛, 最緊要放鬆心情, 保持開開心心, 噤個BB先開心架, 知嗎 ~
早d有得睇醫生咪仲好, 你又冇咩可以做, 早d睇好過遲d睇嘛, 睇咗就冇事架喇 ~ 唔好諗噤多 ~
** 我會放鬆心情, 保持開開心心 **
同媽咪傾完電話, 老公就打返比我喇 
老公話佢會陪伴我身邊, 唔使擔心. 聽完個心都甜晒, 已經冇噤擔心lu.
下午Wales Hospital打電話比我, 話我可以提早返去覆診thyroid 2 Jan 2008.
哩排都好想訓, 好似訓極都唔夠噤 ~
仲成日肚餓喎 ~ 每2個鐘就要食嘢架喇 ~
如果唔係又想嘔, 但又冇得嘔噤 … 都幾唔舒服架 …
所以我都keep住食d嘢落肚, 等佢唔好肚空空, 噤就好似冇噤唔舒服 ~
本週身體及胎兒變化情形
幸福的 Kat 目前懷孕 6 週 0 天，預產期是 2008/07/14 ， 237 天後您的小寶貝就出生了。
我而家嘅 體重 : 105lb
肚圍 : 80cm
娠妊 2 個月（5～8週）
胎兒成長
胚 囊直徑 ：約2～2.5公分
胚囊重量：約4公克(約1塊方塊砂糖的重量)
母體正常變化
子宮底高度：約10公分
羊水量：約20CC
第6週 看到心跳
1.胎體外型像隻小蝦米，顏面未完全發育，但隱約可見頭頸部、初期的大腦和胸腹部，兩側生出芽苞狀的四肢，下體外觀像尾巴。
2.血管生成，血液循環功能開始運作，可經由超音波看到胚胎的心跳。
3.臍帶逐漸形成。
第5～6週：乳房腫脹，乳頭及乳暈顏色變深、乳頭敏感。
下週重點：胚胎快要進入胎兒期，主要器官發展成形。
|
||||||||||||||||||||||
| 2007年11月19日 – 2007年11月25日 | ||||||||||||||||||||||
|
||||||||||||||||||||||
|
||||||||||||||||||||||
母嬰健康院姑娘話我係 Wales 個期排得太後, 叫我拿住份 Antenatal Record去排返早D ……噤我哋就2:00pm之後再上2樓婦產科登記排早D …
順便登記埋做 OSCAR Test ~ 2 Jan 08 10:30am
同
ANED講座 2:30pm ~ 17 Jan 08
EQ培育從胎教開始
1. 認識胎教及其重要性
2. 懷孕期情緒轉變
3. 產後情緒抑鬱 (社工主講 )
又係等叫名時間 ……
終於排咗期喇 ~ 不過原本有得24Dec照超聲波, 個姑娘幫我哋cancel咗呀 
問姑娘點解, 姑娘話我要見咗醫生, 等醫生幫我book喎……
不過見醫生個期就真係快咗好多嘅 ~ 6 Dec 2007
真係早過返工 :O一早起床就要留小便及帶晒所有文件 ( 驗孕証明書, 夫婦身份證影印本, 住址證明 ), 就向母嬰健康院出發.
為咗可以睡多陣, 為有邊行邊食早餐…
終於到咗母嬰健康院, 原來都有好多人, 我排第六個.
比晒文件, 再要填form, 自行拿2張試紙. (見姑娘時先好用)
又係等待嘅時間……
好流水式, 10個10個去做, 我係第一批.
1. 尿液測試 (蛋白同糖份) 2張試紙+小便, 各自比姑娘睇一睇, 姑娘話冇事就清理好去第二part.
2. 第二part唔知係邊, 見之前排我前面嘅人入去間房, 我就跟住去, 原來排隊磅重, 量身高, 量血壓, 見姑娘.
3. 又係等叫名時間, 終於等到叫我名入7号房見姑娘, 一入到去問你有冇係私家驗咗血, 一話冇就比4-5個抽血瓶比我, 仲叫我對一對自己個名.
對完名拿晒抽血瓶, 我就起身走, 點知姑娘話仲有大把嘢同我講未走得架…
於是又坐返低, 係喎差D唔記得拿到診書, 即刻問咗先, 如果唔係要比$150架.
原來姑娘仲要問我D病歷, 最後一次M係幾時, 同埋幫BB初步計算預產期 ~ 14 Jul 2008
另外姑娘話如果要驗OSCAR, 就要直接到 Wales 登記, 仲要預早D去排期, 因為要在第11-13週內進行, 費用$1300.
4. 拿晒抽血瓶+好多張驗血form ( 血型, 血色素, 平均紅血球容積, Rh因子, 徳國麻疹抗體, 乙型肝炎抗原, 梅毒, 愛滋病病毒抗體測試 ), 去抽血房門口排隊等抽血. 終於到我, 姑娘話我D血好杰, 叫我每朝起身都要飲杯水先再食早餐喎.
噤樣血液會流動得好D喎. ( 我會記住架 )
5. 又係等叫名時間喇, 今次係等見醫生12号房, 原來醫生會幫我檢查乳房, 陰道, 同腹部.
6. 最後仲要聽完個講座, 才派覆診卡同Antenatal Record.
終於完成晒, 已經12點幾, 又好肚餓, 拿拿聲去食lunch.
2人反應各不同~
我本來諗住經電話話比媽咪知, 點知一接通電話後
媽咪, 我話個秘密比你知丫.
你咩都唔使講喇, 唔好周圍話比人知呀~ 係噤啦.
哦 ( O 晒咀, 我咩都未講, 噤就收咗線 )
晚上, 上呀媽到食飯, 老公入咗廚房同呀媽講
呀媽, 我話個秘密比你知丫, 你唔好話比人知喎.
哦, 好呀你講啦 ( 個樣子係好留心聽你講 )
跟住老公話要08年先可以話比人知架
?????
佢而家唔食得生冷嘢架啦
唔吃得生冷嘢? 唔怪得之佢唔飲汽水啦
老公有滴汗 !!
我哋屋企都冇整生嘢食丫
…………
有咗BB仔 ??
我都話咗出年先知樂
噤綠豆沙佢都唔吃得哥囉
