ღღ BB睡夢中笑 ღღ
放工返來 ~ 小B訓咗覺 ~
我同小B講Mummy返咗來喇 ღ.ღ
錫啖先 ღ.ღ
小B係睡夢中笑 ^O^
今日帶BB去私家打針 ^^
肺炎鏈球菌疫苗(第一針) $750 + 口服輪狀病毒預防疫苗(第一劑) $650
一早去到等醫生返, 小B又等到肚仔餓要食奶奶 ^^”
係噤哭要食 ~ 終於見醫生喇 ~
醫生問咗小B嘅資料 ~
跟住就用針筒續少續少噤餵小B食輪狀病毒預防疫苗 …
小B竟然食得好開心噤 ?.? 唔通係甜嘅 ~
食晒竟然仲望住醫生, 好似話仲有冇呀 @@ 仲流口水添 …
跟住醫生就幫BB打埋支肺炎鏈球菌疫苗 ~ 打右邊大腿 ~
打針小B當然有哭喇 ~ 不過今次冇縮 ~
打針後小B望住姑娘同頭先望住醫生嘅表情係好唔同架 ~ 好似想話妳打我 …o(‵▽′)ψ
拍返兩下PatPat, 小B就冇哭了 ^.^
不過打完針, 婆婆話小B又食小咗奶奶食得90ml (平時食120-150ml架)
好倦 ~ 好快就訓咗 ~
小B好開心, 我同小B講早晨, 小B係到笑 ~
手仔郁郁腳踢踢 ~
Daddy同小B揮手say Hello ~
小B唔記得咗 … Daddy指下小B隻手仔 ~ 小B都唔係好知噤望住Daddy ~
Daddy揮下小B隻手仔 ~ 小B記得啦 ~ 係到笑
Daddy同小B揮手say Hello ~ 小B就揮揮手 ~
我又同小B揮手 ღ.ღ 小B又揮揮手回應 ~
仲同婆婆揮揮手添呀 ღ.ღ
要同小B講多d先得 ~ 等佢一定記得
ღღ eeoo傾計計手仔郁郁腳仔踢踢 ღღ
http://www.youtube.com/watch?v=WLuNHAqUpxg;feature=player_embedded
ღღ 表情多多 ღღ
http://www.youtube.com/watch?v=v6NK7IrCXO4;feature=player_embedded
ღღ 捉住獅子仔 ღღ
http://www.youtube.com/watch?v=R2×5L4gkRGo;feature=player_embedded
連續兩日同小B玩Hello歌, 小B玩得好開心 ღ.ღ 係到笑
唱完歌仔放返小B落張椅仔到坐 ~
小B望住我, 我同小B揮手say Hello ^0^
小B笑住, 仲同我揮手 ღ.ღ
我即刻同老公講快d過來啦 ~ 小B同我揮手呀 ღ.ღ
老公又同小B揮手say Hello ~ 小B又揮揮手 ~
老公好開心 ~ 小B做對了 ~ 我哋拍手讃”小B好叻喎” ღ.ღ ღ.ღ
ღღ 第一次揮手say Hello ღღ
今日老公同我同BB去咗查理布朗咖啡專門店食Lunch
佢地既旗艦店地方都好闊落, 唯一唔好係要托架BB車上/落一層 ~.~
當然係我抱住小B, 老公托架BB車啦 e.e
去到都已經好肚餓, 當然係即刻叫嘢食先啦 ~
我抱住小B出去睇下有咩食, 小B好開心四圍望 ^0^
我最鍾意飲果杯朱古力 :p 又香又滑仲有個靚靚公仔logo添 ღ.ღ
小B都有係到食嘢架 ~ 就係小B最鍾意嘅奶奶喇
我哋食完餵埋小B飲奶奶, 就同小B出去影下相 ღ.ღ
小B好開心噤 “eeoo” 同笑
晚上上爺爺嫲嫲到食飯 ~
小B今日冇哭 ~ 自己係車仔到玩 ^0^
我哋食完飯, 比個圈圈小B揸住 ~
小B揸住又放低, 我哋又再比個圈圈佢 ~
比下左手, 又比下右手 ~ 如是者比幾次之後 ~
小B今次冇放低, Daddy同我都見到小B張個圈圈由右手交去左手 ღ.ღ ღ.ღ
ღღ 小B第一次張物件由右手交去左手 ღღ
BB今早好活躍 ღ.ღ
婆婆一來到就同婆婆笑 ~ 笑到舌仔都見到 ^o^
氹得婆婆好開心
Daddy去睇小B, 小B就伸手仔要Daddy抱抱 ^0^
我入去見到小B係到玩緊 ~ 手仔郁郁腳仔踢踢 ~
小B一見到我就同我”eeoo”噤傾計 ~ 又笑又單眼 ღ.ღ 我個可愛小B ღ.ღ
鍚啖小B就出門去返工lu…
BB今日好開心, 係到笑 ღ.ღ 仲要係笑到 “卡卡” 聲 ~
好攪笑 ~ 又同我單眼 ~ 要我抱抱 ღ.ღ 同我傾計計
婆婆話小B而家可以睇到好遠 ^o^
婆婆係上格床睇緊書, 小B醒咗, 竟然望住婆婆”喎喎”聲噤叫婆婆 ^^
今早小B開始活潑返d, 不過就仲有”蚊增”, 同比較倦 ~
婆婆話比多小小水比小B飲好d喎 ~
婆婆話小B今日發”蚊增”爪損咗自己個頭, 好彩捉得快, 如果唔係由頭到面成條痕 ……
平日要人抱先肯訓嘅小B, 今日係哭要訓覺, 一放落去即訓 *.* 咩都好小理