平日一到餵小B食奶奶嘅時間, 我就會同小B講 “銘軒肚餓餓, Mummy奶奶”
而家小B要食奶奶, 就會話 “Mummy奶奶” ~ “Mummy奶奶” ~
係要攬住我食果隻 
我當然好開心啦 ღ.ღ
不過婆婆同Daddy餵就麻煩d喇 …
因為小B開始選擇要埋身食奶奶 ~ 唔鍾意用奶瓶 @.@
之前用奶瓶餵人奶都會食得開心過奶粉 ~
而家就總之係用奶瓶餵就會扭一扭 …
除非好肚餓 … 如果唔係就絕食 一.一|||
一放奶瓶埋去就扭計 ~ 扭住話”Mummy奶奶”"Mummy奶奶” ~
Daddy試過小B夠鐘食奶奶, 噤就餵啦 ~
點知 ~ 小B食咗10cc就唔肯食 ~
1hr後再試下餵食咗40cc就唔肯食 ~
再過多1hr食咗10cc就唔肯食 ~
只係食咗60cc … >.< 扭住話"Mummy奶奶""Mummy奶奶" ~
老公開住個speaker打電話比我 ~
話比我知小B絕食 ... 叫我快d返 ...
小B聽到我把聲 "eeoo" 噤講嘢 ~
老公話小B聽到我把聲好開心係到笑 ~
當然我就要即刻返屋企啦 ^^
婆婆試過小B夠鐘食奶奶, 噤就餵啦 ~
小B又唔肯食 ~ 又係到扭住話"Mummy奶奶""Mummy奶奶" ~
一放個奶瓶埋去, 小B竟然用條舌仔頂返出來 ~_~
婆婆1hr後再試過 ~ 小B食咗2啖就唔肯食 ...
婆婆話乖乖地食奶奶, 婆婆同你一齊食 ~
小B真係有吮奶奶 ~ 點知原來係吮完再係嘴角流返晒出來 = =+
婆婆發覺手巾仔濕淋淋 ~ 話小B噤曳曳 ~
小B仲係到笑 ... -__-b
ღღ BB話要 “Mummy奶奶” ღღ
