好開心 ღ.ღ 小B好清楚噤叫我媽媽
之前都有, 但係就唔係好正或者係哭住叫 ~
今晚係真真正正好清楚噤聽到銘軒叫媽媽 ღ.ღ
老公即刻話BB叫你呀 ^0^
真係好開心 ~ 開心嘅心情真係難以用文字來形容 ~
總之就係前所未有嘅開心啦 ^^V
25 November, 2008
ღღ BB最鍾意聽世上只有媽媽好 ღღ
小B肚餓餓 ~ 一打橫抱住就即刻打開嘴仔食奶奶 ღ.ღ
仲用雙手攬住我攬到實一實添 ^0^
小B食得好急吞唔切嗆親 …
我叫小B唔使噤心急, 有半個鐘食Mummy奶奶 
小B望住我笑一笑, 再食過 ^o^
食咗25mins小B就對住我笑 ~ 仲笑得好開心好滿足 ღ.ღ
我話係喎小B好開心食飽飽喎 Mummy唱歌仔比你聽 ~
世上只有媽媽好
有媽的孩子像個寶
投入媽媽的懷抱
是世上最好
一路唱小B就有好多表情, 又驕嗲又怕羞 ~
跟住攬實我望住我笑~ 笑得好開心好燦爛 ღ.ღ
叫老公過來話比老公聽小B好鍾意聽我唱世上只有媽媽好 ~
小B見到Daddy就望住Daddy ~
我就話Mummy唱多次唱歌仔比BB聽
小B一路聽又開始有又驕嗲又怕羞嘅表情 ~
唱完就望住我哋笑~ 笑得好開心好燦爛 ღ.ღ ღ.ღ 我哋嘅可愛小寶貝
我哋一齊分享哩個溫馨快樂嘅親子時間 ^O^
ღღ BB一見到我就笑 ღღ
剛剛放工返到屋企洗手洗面換過件衫 ~
小B就醒咗喇 ~ 剛好6點半 ~ 真係準時 ^.^
入到小B房, 小B一見到我就笑 ღ.ღ
同小B講 “Mummy放工返來啦 ~ 係唔係好掛住Mummy呢”
小B “o”一聲噤回應我, 跟住仲笑到仲晒舌仔, 手仔腳仔都郁埋
要我抱抱 ^o^
我捉住小B對手仔 ~ 數123
小B就自己拉起身, 坐咗起身 ~
跟住仲用對腳企直起身 ღ.ღ
抱起小B讚佢好叻 ~ 小B就係到笑 ~ 仲開始”eeoo”噤同我傾計計 ~
ღღ 再戰 ~ 老公自己一個揍BB ღღ
琴晚我已經預備定晒幫小B洗白白嘅所有用品同出街3寳 ^o^
返工前又同小B講乖乖地同Daddy係屋企喇 ~
要乖乖食奶奶呀 ~ Mummy返來先食”Mummy奶奶”
小B係到笑 ^0^ 笑到伸晒舌仔好開心 ~
係噤“eeoo”噤同我傾計計 ~ 仲錫錫我 ღ.ღ
我就知小B唔會訓喇 ~
我夠鐘返工, 老公要早d起身陪小B玩 ~
最後要出動 “dotdot” 先至訓 ~ 已經係10點 ~
10點40分小B夠鐘食奶奶 ~ 食咗150cc同琴日一樣 ~ 都係食少咗 ~
跟住小B就要Daddy陪佢玩 ~
11點半老公幫小B洗白白
小B又有得玩水喇 ^o^
沖完涼放小B落床仔, 小B都未肯訓覺 …
要玩 ~ 哈哈 ~ 老公又要同小B玩 ~
好彩玩咗一陣小B就訓喇 ~
老公打電話比我話佢剛剛訓咗時間好尷尬 ~
小B下一餐2點40分食 ~ 而家去食又唔係 ~
結果要食杯仔麵 ~.~
小B2點訓醒咗 ~ 就即刻係噤話 “Mummy奶奶” “Mummy奶奶” ~
老公同小B講未夠鐘 ~ 跟住抱小B出我哋張大床到玩反身同玩虫虫 ~
今餐食得快D仲食咗180cc … 因為有體力運動 ^^
老公一餵完小B就即刻開車同小B去MaOnShan行下街街 ~
小B有得去街好開心 ~ 老公仲比小B試下坐係到添 ~
下一餐6點半 ~ 老公話交返比我 ~
不過5點半小B就已經訓醒咗 ~
係噤叫 “Mummy奶奶” “Mummy奶奶” ~
老公話小B好掛住我 ღ.ღ
再”愛”小B訓多陣等我返來 ~
ღღ BB今早訓到6點半先起身 ღღ
好嘢 ^^v 夠晒精神
餵小B食奶奶 小B食得好開心 ~
仲食得好快 ~ 就知小B有幾肚餓啦 ~
一路餵緊仲聽到小B個肚仔估估聲 ~ 真係好肚餓呢 ~
食咗20mins小B就開始開心地笑 ^0^
食食下就笑 ~ 食食下就笑 ~ 我個可愛小B ღ.ღ
食飽飽就 “eeoo” 係到講嘢 ~ 叫人來陪佢玩 ~
一見到我返來就對住我開心地笑
笑得真係好鬼開心 ^O^ 又同我單眼
我一路食早餐一路同小B傾計計 ~
小B仲捉住我隻手 ~ 好似唔比我走噤 ~
小B錫錫我 我又錫錫小B
開咗個音樂轉轉就同小B講byebye ~
小B望望音樂轉轉又望望我 ~
好似好唔捨得噤兩隻手仔合埋自己玩手指 ~
