剛剛放工返到屋企洗手洗面換過件衫 ~

小B就醒咗喇 ~ 剛好6點半 ~ 真係準時 ^.^

入到小B房, 小B一見到我就笑  ღ.ღ

同小B講 “Mummy放工返來啦 ~ 係唔係好掛住Mummy呢”

小B “o”一聲噤回應我, 跟住仲笑到仲晒舌仔, 手仔腳仔都郁埋

要我抱抱 ^o^

我捉住小B對手仔 ~ 數123

小B就自己拉起身, 坐咗起身 ~

跟住仲用對腳企直起身  ღ.ღ

抱起小B讚佢好叻 ~ 小B就係到笑 ~ 仲開始”eeoo”噤同我傾計計 ~

好嘢 ^^v 夠晒精神

餵小B食奶奶 小B食得好開心 ~

仲食得好快 ~ 就知小B有幾肚餓啦 ~

一路餵緊仲聽到小B個肚仔估估聲 ~ 真係好肚餓呢 ~

食咗20mins小B就開始開心地笑 ^0^

食食下就笑 ~ 食食下就笑 ~ 我個可愛小B ღ.ღ

食飽飽就 “eeoo” 係到講嘢 ~ 叫人來陪佢玩 ~

一見到我返來就對住我開心地笑

笑得真係好鬼開心 ^O^ 又同我單眼

我一路食早餐一路同小B傾計計 ~

小B仲捉住我隻手 ~ 好似唔比我走噤 ~ 

小B錫錫我 我又錫錫小B

開咗個音樂轉轉就同小B講byebye ~

小B望望音樂轉轉又望望我 ~

好似好唔捨得噤兩隻手仔合埋自己玩手指 ~

小B好似有等待噤

有時係Daddy幫小B蓋被仔, 有時係我 ~

不過就算係Daddy蓋被仔, 我轉頭都會入小B房同BB講GoodNight 鍚小B一啖 :)

每次小B都會笑瞇瞇噤入睡  ღ.ღ

今晚仲開心到 笑到”卡”一聲 ^O^

我返工前同小B講乖乖地同Daddy係屋企喇 ~

要乖乖食奶奶呀 ~ Mummy返來先食”Mummy奶奶”

小B係到笑 ^0^ 仲錫錫我 “eeoo”噤講嘢

老公自己一個揍小B 好似打機噤 ~

9點餵小B食奶奶 ~ 用咗20mins食咗150cc

跟住小B就要Daddy陪佢玩 ~

琴晚我已經預備定晒幫小B洗白白嘅所有用品 ^o^

10點半老公幫小B洗白白

小B好鍾意洗白白, 因為有得玩水 ^^

沖完涼放小B落床仔, 小B就訓覺喇 …

老公打電話比我話佢過咗第一關 ~

好攪笑  

小B下一餐1點食 ~

所以老公同我一樣要出去食Tea … 而唔係食Lunch ~.~

小B嘅出街3寳又係琴晚我已經預備

老公一餵完小B就可以即刻開車 ~

老公話小B一訓醒 ~ 就”奶奶奶奶”噤叫 証明佢係餓醒嘅 ~

今餐食得快D用咗15mins就食咗150cc …

都係食得好少 ~ 不過都好過唔食 ~

老公去到餐廳打電話比我 ~ 話我知小B仲未訓點算 ~

係噤係到腳仔踼踼 ~

我話你唔好同佢傾計由佢自己玩下佢就訓 ~

你有嘢食就食先啦 ~ 唔使”愛”佢訓 ~

老公食完嘢仲同小B去咗公園行個圈 ~

當然小B就訓咗啦  

4點小B就訓醒喇 ~

又要Daddy陪佢玩 ~

玩到5點食奶奶 ~ 

小B食得好開心 ~

老公話小B用雙手推開奶瓶跟住又會拉返埋再食過 ~

餵完小B老公放返小B落床 ~

小B就開始扭計 … 唔肯自己訓 ~ 要Daddy抱住訓 ~ 

我打電話比老公問小B乖唔乖, 老公叫我快d返 ~ 佢扭計呀 ><

當然我都盡快趕返屋企啦 ~ 剛剛返到小B就訓咗喇

老公抱住小B一個鐘 ~ 好倦 ~ 要我同佢按摩 ^0^

你睇老公幾嗲口 ~

3點半 ~ 剛剛去到嘉道里門口 ~

小B夠鐘食奶奶 ~ 噤當然就要餵咗小B先入去啦 ~

點知 … 小B係郊外食奶奶 ~ 四維睇 ~ 慢慢食 ~

好享受噤 ~ 結果食咗7個字 …

跟住當然拿拿聲去買票入去啦 ~

點知售票姐姐話 : BB食奶奶食咗噤耐 ~ 過咗4點喇 ~ 冇得入去 …

老公同我 … 有冇攪錯呀 …

結果只係小B好開心噤係郊外食咗支奶奶 ^^”

相只係得一張係嘉道里門口石階上餵奶嘅情景 ~

好冇耐地打道回府 …

回程小B仲訓得好淋添 ~

老公同我互相對望 … 好冇耐 #(┬＿┬)

去片

換了大床公仔好高呀

http://www.youtube.com/watch?v=h3Yi_6aXp2c;feature=player_embedded

好努力自己開音樂

http://www.youtube.com/watch?v=k_ra62sNvyw;feature=player_embedded

發現媽咪好開心

http://www.youtube.com/watch?v=FLaZjRQeBGM;feature=player_embedded

換了新床仔開唔到音樂大哭

http://www.youtube.com/watch?v=LknRKNSbFPc;feature=player_embedded

老公幫小B砌張新大床

我就放小B訓住張細床仔先 ~

點知小B點都唔肯訓 ~ 係噤扭 …

係噤伸對手仔要我抱抱 ~

我同小B講乖乖地啦 ~ 我哋整緊張新大床比你呀 ~

當然小B都係唔肯訓啦 ~ 其實佢係好眼訓架 ~

老公終於砌好 ~ 噤我就上床單 ~

Daddy抱起小B過來睇下張新大床 ~

小B好興奮 ~ Daddy放小B訓上張新大床 ~

小B仲即刻唔哭唔扭計 ~ 仲大字型噤訓係到 ~ 好開心好興奮 ~

仲對住我哋係到笑添 ^O^ 話比我哋知佢好開心

問小B係唔係好開心好舒服呢 ~ 小B仲笑到伸晒舌仔 ~

手仔郁郁腳仔踢踢好興奮  ღ.ღ

好似知道有新大床, 唔肯訓張床仔噤 …

小B好開心噤玩咗陣就訓咗覺喇 ^0^

初頭仲驚住小B唔適認唔肯訓添 ~

點知噤好訓噤開心  ღ.ღ  ღ.ღ

我經過琴日餵小B用奶瓶食奶奶後 ~

試咗幾個奶咀 ~ 發現d奶咀有問題 >.<

終於知道點解小B唔肯用奶瓶食奶奶 ~

我哋用母乳奶咀係唔滴流架 ~

但係完來d母乳奶咀而家係流架 ~ 因為已經爛咗 ~

小B當然唔肯啦 @@ 未吮都流出來 ~ 仲要流得都好快下 ~

今日買過晒批新奶咀比小B ~

小B終於唔扭計喇 ^O^

雖然食得慢咗 ~ 不過都好過扭計絕食呀  :)