ღღ 帶BB去健康院打4合1針(第三針) & 乙型肝炎疫苗(第三針) ღღ
帶小B去健康院打4合1針(第三針) & 乙型肝炎疫苗(第三針) free ~
去到當然係要磅重啦 ~ 都仲係要除晒衫褲只剩片片 ~
一放上磅小B即刻伸起雙腳係到笑 ~
姑娘話噤合作呀好叻喎 
仲有度身長 ღ.ღ
W 7.865kg ~ 17.303lb
L 67cm
HC 42cm
腳板 10cm <-我哋自己度架
跟住就聽到叫名去見姑娘, 姑娘幫BB做檢查 ~
手眼協調 ~ 坐得好唔好 ~ 腳仔企得直唔直 ~
姑娘張個噹噹放係右邊搖, 小B即刻伸手去拿 ~
姑娘張個噹噹移去中間, 小B隻手追住去拿 ~
拿到 拿住周圍fing 仲左手交右手 右手交左手 fing來fing去 又咬一口
姑娘抱起小B放佢坐下 ~ 又抱起小B比佢企下 ~
小B仲即刻腳踢踢比姑娘睇 ~ 當然係合格啦 ^0^
跟住姑娘就話BB由6個月開始可以試食其他嘢 ~
比張參考餐單比我哋同我哋講解一下 ~
仲幫我Book咗個共享育兒樂6-12個月比我哋去聽 ~
跟住可以去打針喇 ~
抱住小B就走 ~
係喎 ~ 小B你未同姑娘ByeBye喎 ~
姑娘剛剛講話下個月先識 ~
小B已經同時間開合開合手仔同姑娘ByeBye ~
姑娘見到即刻讚小B好叻 ~ Mummy你教得好好呀 ~
我當然好開心啦
最後就當然係要打針啦 ~ 今次要打兩支 ...
一隻大脾一支 @@ 小B知道要打針唔多肯想走
打咗支4合1針先 ~
小B哭咗一聲, 就冇事喇 ^^
姑娘話埋支粗d ...乙型肝炎針 ~
一打落去小B即刻大哭 ... 好痛呢 ...
一路唱歌仔氹返小B ~ 小B停一停又再哭過 ~
比埋個dotdot比小B安撫佢 ~
之後好倦噤訓咗 @.@
Book埋下次打針 (麻疹、流行性腮腺炎及德國麻疹混合疫苗 – 第一針)