今日我要返工喇 ~

同小B講咗今日去返學自己叫老師早晨喇 ~

KissKiss BigHug ByeBye

Daddy同小B搭MTR去返學 ~

車一去到車公廟站 ~ 小B就即刻好緊張噤拉住Daddy要落車 ~

小B : 到喇 落車 ^0^

行到去學校大鐵門 ~ 本來Daddy打算同小B沿住樹蔭入學校 ~

點知小B就即刻拖住Daddy打直行去校園 ~ 好晒呀 ~

一去到就想駕車 ~ 又係綠色嘅電單車 ~

Daddy : 唔得呀 ~ 要入課室先呀 ~

小B入到課室又係自己玩玩具喇 ~ 玩完一樣又玩一樣 ~

今日睇中朋友仔玩緊嘅收銀機 ~

小B即刻想拿來自己玩 ^.^

Daddy : 唔得架 ~ 你要問咗小朋友借先得架 ~
小B : (真係問小朋友借)
小朋友 : 唔得
Daddy : 唔得喎 ~ 你玩住第二樣先啦 ~ 一陣再問過 ~

小B又真係自己玩玩具喇 ~

玩完 ~ 小B將玩具放返入櫃 ~

又再去問小朋友借 ~

小B : (問小朋友借)
小朋友 : 唔得

於是小B又去玩具櫃拿另一樣去桌上玩 ~

玩完 ~ 小B將玩具放返入櫃 ~

又再去問小朋友借 ~ 今次係第三次問 ~

小B : (問小朋友借)
小朋友 : 好 (跟住就比咗小B玩)

小B好開心噤扮收銀員 ~

老師仲教小B打開個收銀機找錢 ~

叮叮 ~

今日Lam老師帶做圖工 ~ 油顏色畫花花 ~ 小B只係油花芯 ~

不過個花芯係要貼小B張相架 ~

老師叫小B畫花瓣 ~ 小B唔肯 ^^” 仲收埋晒d顏色筆入盒 …

叮叮 ~

Yan老師一起拉拉手唱歌 ~ 小B唔多肯同人拉拉手 ~ 只肯拖住Daddy ~

最後先肯拖其他人 ~

又唱花花歌 ~ 小B當然都有四維走喇 …

老師用花花掂小B塊面 ~ 小B又哈哈大笑 ^0^

好喇 ~ 到種花喇 ~ 貼上壁報板 ~

小B就好有興趣喇 ~ 要種花上壁報板 ^0^

仲睇中老師部釘書機 ~

即刻第一個跟住老師 ~ 第一個種花 ^0^

跟住就係噤睇住其他小朋友種花 ~

老師將釘書機比返校長 ~ 小B即刻話冇咗 ^.^

小B又發現一朵老師未種嘅花 ~

即刻拿住朵花走去壁報板種 ^0^

校長即刻幫小B種落壁報板 ~ 仲話小B好似班長仔 ~

好喇 ~ 排隊去洗手間洗手喇 ~ 食早點

芝士三文治+奶 (2cm)

心急小B已經好想食喇 ~

Daddy : 唔食得住架 ~ 要等埋老師同學架 ~

小B見未有得食就攪個盤 ~

Daddy : 一陣跌晒冇得食喇 ~ 手放係桌面 ~ 等一陣 ~

老師來喇 ~ 合手多謝主 ~ 小B合住手仔好開心噤笑 ~ (唔知係唔係諗到就有得食呢 :p)

小B食一啖又放低 又企起身周圍睇 食一啖又放低 又企起身周圍睇 ~

Daddy : 好唔好食呀
小B : 好食

飲奶用杯飲 ~ 飲得好好 冇倒潟 ~ 叻叻

小B見到小朋友食完 ~ 問老師要多塊 ~

小B又即刻放晒入口 ~ 攞住個碗就去問老師要多塊芝士三文治 ~.~ 為食B

攞完返來又再慢慢食 … 一啖又放低 又企起身周圍睇 食一啖又放低 又企起身周圍睇 ~

又係最後一個收盤 ^.^

其他小朋友已經唱完歌仔 派晒波波喇 ~

小B又係最後一個攞發聲波波 ~.~

放學喇 ~ 小B只係用手仔同老師ByeBye

婆婆已經係門口接小B放學呢 ^0^

都仲係走來走去 未坐定嘅小B ^.^ 好彩得小B一個會走來走去

起碼睇小B一個都易d呀 :p

順順利利開開心心的第二天 ღ.ღ