同2個好耐冇見嘅朋友一齊參觀域多利監獄 ~

朋友恭喜我哋之餘, 都替我哋開心

我哋仲一路傾計一路參觀 ~

原來都好大下, 有好多間唔同嘅房, 其中一間係影低高度同正側面嘅相 ~

有分男女囚房, 洗衣房, 食堂, 操場 …. 仲有好多 ~ 我已經好倦, 所以冇行晒 ~_~

係額外架 因為Wales剛剛買咗部新機, 做緊檢查研究計劃 ~

我哋都參加咗, 好開心又可以見到BB喇 ღ.ღ  ღ.ღ

今日我同老公都帶住興奮同期待嘅心情早咗到

我哋仲同BB講, 今日要影返張靚相呀 ~ 記得唔好用手手腳腳遮住塊面仔呀

入到15号房, 係位女醫生, 其實都知唔比拍低架喇  ~

不過都問問 個女醫生好好人話送2張BB相比我哋 ღ.ღ 好開心 ღღ

一開始照時, BB個頭仔都係係右面 ~

見到BB大腦小腦, 眼球位, 鼻孔, 咀唇 ~

跟住幫BB影咗張3D相, 因為BB挨住個胎盤訓緊覺, 所以只係影到側面, 見到隻耳仔添

個女醫生好細心噤張d臍帶同胎盤cut走, 印咗張靚相 ღ.ღ 

跟住再照脊骨, 不過BB訓得好入, 睇唔晒, 耍轉頭再照 ~

見到BB揸住拳頭仔訓覺, 同Daddy一樣

腳仔就同我一棣, 腳仔疊腳仔噤訓

好攪笑

跟住就睇內臟, 腎, 胃, 橫格膜 … 因為BB訓緊覺冇郁過, 所以照唔到個心仔 ~

醫生叫我哋出去行個圈, 飲杯水, 等BB轉下位, 再入去照過 ~

噤我哋就行行企企, 睇下BB書 ~

老公跟住問我, BB幾時訓醒, 我話約11點幾到啦 ~

而家噤早通常都係訓緊

終於睇完本幾BB書, BB都開始手仔郁郁腳仔踢踢喇 ~

我哋又同BB講, 一陣會影多幅靚靚相呀 ~ 記得唔好用手手腳腳遮住塊面仔呀

佢好似答我哋噤, 又踢多2下 ღ.ღ  ღ.ღ

我同老公講, 醫生快d叫我哋就好喇 ~ 唔係BB一陣又訓返 ~

一入到去我就同醫生講, BB而家踼緊腳仔喇

醫生都好開心話真係好 ~

而家轉咗位好好多, 睇完心臟, 仲數埋心跳 1min有156下

睇脊骨, 我哋仲睇得好清楚BB隻雀仔添呀 ღ.ღ  ღ.ღ

跟住我就問醫生, 而家可唔可以睇到BB塊面仔 ~

醫生仲即刻睇下, 轉多咗出來呀 醫生即刻影低 ~

醫生仲話時間剛剛好, BB又轉返入去喇 ~ 想影多張都唔得 ~

我都好滿足喇 ~ 有多一張正面相 ღ.ღ  ღ.ღ

醫生比咗到診紙同2張BB相比我哋, 仲好好心機講一次點睇

出到去當然同老公坐低, 欣賞下張BB相啦 ღ.ღ 仲讚BB叻影到兩張靚相 ღ.ღ

 BB側面

 BB正面

母乳講座 ~

我哋準時到達, 但個講師提早咗開始 ~

不過佢話唔會一定要你餵母乳 ~

如果你餵唔到或你話要餵奶粉, 佢哋就會比奶粉你個BB食 ~

當然如果你想餵母乳, 你就一定要入產房時就要講定 ~

如果BB冇問題, 清潔好, 姑娘就會抱BB比你餵人奶 ~

通常係產後房就會開始餵第一次 ~ 半個至一個鐘內開始 ~

姑娘會一對一噤睇住媽咪同BB嘅 ~ 有咩唔識就要自己問喇 ~

如果BB好鍾意訓覺, 最多4個鐘一定要叫醒BB食奶 ~

食得飽, BB會好安靜, 好滿足 ~

甜睡 – 1 – 1 1/2hr

睇尿片 – 小便有5-6塊大約半隻手掌噤大嘅分量, 大便就2次 ~

母親乳房會變得鬆軟 (餵前後摸下可感覺到)

仲有一段短片睇, 係要引BB, 直至BB張大咀, 就快快手將BB個頭部推去乳房.

不成功就要重頭來過 ~

BB頭6個月前, 不用比額外野飲/食.

母乳如果放雪櫃

上格 – 可以保存 2mth

下格 – 可以保存 48hr

室溫 – 可以保存 8hr

所有解咗凍飲唔晒嘅母乳, 都要棄之.

近排仲係流感高峰期, 我就日日一杯 ca-C1000 ~

補充維他命C, 增強抵抗力 ^0^

原來都幾好味架 ~

又可以幫我補充埋鈣質, 因為我不是天天一杯奶 :p

BB同我做預演  ⊙_⊙;

真係前所未有噤辛苦  O_Q…  之前BB打橫頂實晒兩邊腰都唔算係咩 ~

今次係BB成個人打直咗 ~ 背脊向出, 頭仔向下, patpat向上, 都唔知係尾龍骨定雙腳頂實我個胃 >_<

一d嘢都食唔到  -__-b  好彩之前食咗下午荼, 去到仲食個件cake, 如果唔係真係餓死  ⊙_⊙; 

都唔知BB係唔係覺得噪, 用個背脊得住人, 哩係入面靜靜地自己訓覺覺朱 ~

由9:00開席, 一直到散度, 我同老公叫極都唔醒, 轉都唔轉下 ~ 真係冇法  #(┬＿┬)

散席去撘車, 真係一步一頂胃  -__-b  個感覺係用兩隻手指吉實你個胃噤 ......

挺直條脊骨行又唔係, 曲小小又唔係, 真係腰酸背痛+一步一頂胃  = =+

有位坐低, 打傾訓向老公到, 叫做好小小  ^.^

由原本吉實中間, 我訓傾幾多, 就吉傾幾多 ~_~

落車行返屋企, 又吉返中間, 想行快步都唔得 ~

老公話快d返屋企沖涼, 用熱水淥佢, 真係比老公笑死, 一笑仲痛  >_<

沖完涼都係差不多  O_Q.. 老公話個肚好似瘦d ~ 平時度係橫d ~ BB真係打直咗 ~

臨訓前開返個音樂比BB聽 ~

我就試下平訓, 唔得, 左側訓, 唔得, 右側訓, 唔得, 反轉再試, 都唔係好得  一.一|||

算吧 ~ 我真係好眼訓, 叫較好dd就唔理喇照訓 ~

BB一聽到音樂就手仔郁郁腳仔踢踢 ~

我即刻同老公講, 我肯定BB係背脊向出嘅 ~

BB而家唔係踼我個肚仔 ~ 而係踢內部 ~ 仲玩得好開心 ˋ(′～‵”)ˊ

我轉來轉去都訓唔到, 背脊好倦, 老公幫我按摩下, 好咗d ~

不知不覺終於訓咗 ~  

個個都好開心同恭喜我哋 ღ.ღ ღ.ღ

大家都好開心自動升級, 問我有冇人工加 ~

我話加隻薑醋蛋比你啦

仲叫我一定要請佢哋食薑

好攪笑, 呀嬸終於問咗 ~
佢話佢估係仔 ~ 仲叫我唔好去照 ~ 有多d期待喎
我問佢點解估係仔 ~
佢話見我額頭靚靚就係仔, 額頭黑黑就係女喎 ~
佢仲話希望我都生個仔, 因為10個有9個老人家都想係仔喎 ~
真係好攪笑

睇戲前去咗意粉屋食晚餐 ~

當然係飲我最鍾意嘅酥皮意大利菜湯啦 ღ.ღ

BB都鍾意飲, 踢下踢下 ~

到食雞亦, BB都踢咗一下 ~

嘩 ~ 戲肉出場喇 ~ 焗磨姑吞拿魚煙斗粉 ~

BB即刻出連環腿 ~ 一定係好鍾意食頂啦 ~

話比老公聴BB出連環腿呀 ~

老公話噤西利 ~ BB實係未食過, 好鍾意食喇

最係都係我鍾意食嘅肉醬意粉 ~

老公就話BB一定唔踢腳仔 ~ 大家樂貨色, 成日都食 :p

我就話最小都踢一下哇 ~

結果老公估中咗 o_o

老公仲話哩d係媽咪食, 頭先好好味果d係BB食嘅 :p

真係呀 ><

飲埋杯凍0水走冰, 真係超飽 ~

要行一陣先可以去睇戲  Q_Q

行咗陣BB鋪睇BB衫 ~ BB都有腳仔踢踢好開心 ღ.ღ

套戲話係愛情笑片, 不過我都冇笑過 ^^

不過就情侶坐位, 張凳都坐得好舒適 ~

睇完戲我已經好眼訓, 拿拿淋返屋企訓覺 ~

本週身體及胎兒變化情形

幸福的 Kat 目前懷孕 22 週 0 天，預產期是 2008/07/14 ， 125 天後您的小寶貝就出生了。

 

我而家嘅　體重 : 113lb
　　　　　肚圍 : 84cm  
  

妊娠 6 個月（21～24週）
胎兒成長
胎兒身長：約33公分
胎兒體重：約700公克(約3個蘋果的重量)
母體正常變化
子宮底高度：約22～24公分
羊水量：約500CC
 

第21～22週　　舌頭形成
1.軀幹和四肢的比例逐漸與成熟胎兒一樣。
2.頭髮、眉毛、睫毛開始生長。
3.舌頭發育成形。
4.皮膚構造逐漸增厚，皮下脂肪漸漸增加，皮膚表層薄且多皺，較不透明，且為皮脂分泌物（胎脂）所包覆。
5.超音波可詳細看到胎兒各部構造，包括生殖器官。
6.羊水增加，胎兒悠然浮動於其中（即所謂浮沈運動），活動更自由，時常改變姿勢。
第21～24週
1.子宮體積約為一個嬰兒頭部的大小，子宮底高度到達肚臍處。
2.進入懷孕過程最舒適、最安全的時期，日常生活較以往輕便，包括性生活在內。
3.較少發生出血的情形。
4.有少量稀薄乳汁分泌。
5.胎動頻繁且明顯。
下週重點：胎動頻繁且明顯。
 

 

	2008年3月10日 – 2008年3月16日
準媽咪在懷孕不同階段，可拍下腹部脹大的樣子，日後BB長大了，再向她/他展示，也是一番樂趣呢。     注意打扮儀容，別人感到舒服之餘，也可令自己更開心，實行做個靚靚孕婦，不過扮靚最重舒適清爽。     參閱有關懷孕的書籍或上網與準媽媽們討論分享體驗。