一早買咗盒蛋糕粉&奶 ~

同小B整Birthday Cake ^0^

小B第一次整蛋糕 ღ.ღ

好開心好好奇 ^0^

最鍾意攪攪攪 ~

睇住蛋糕慢慢升高 再升高 ^0^

樣子好可愛 ღ.ღ

出爐喇 ~ 好香呀 ~

小B超級為食樣 ~ 好得意 ^0^

本來一人一半同我分享 ~

點知小B食完自己果半個就問我要食 ^0^

好喇 ~ 一啖啦 ~

為食小B一啖就食咗一半喇 ^o^

食完又即刻望住想食埋呢 ^O^

可愛為食小寶貝 ღ.ღ

去片

http://www.youtube.com/watch?v=????????;feature=player_embedded

第一次同小B玩聯想卡 ^0^

我好開心 ~ 真係覺得小B好叻 ^O^

我同小B玩咗3個故事 ~
第一次用3張卡 ~ 小B好有興趣 ~ 仲答中晒 ^0^
噤我就用4張卡 ~ 講故事睇下得唔得 ^0^
小B又真係記得又答中晒喎 ^0^
小B記到4張卡嘅排位呀 ღ.ღ

跟住又玩下關聯 ~
小B都ok ~ 係有一個答錯咗 ^0^

不過都好叻叻呀 ~

跟住小B仲自己指住張A張話比我知 係A ^0^

有幾種玩法 ~

(1)可以用圖形估英文字 ~ 學abc
(2)可以用5張卡玩 ~ e.g. 1張係叉子 另外4張係食得同唔食得嘅卡 (問小B : 叉叉可以點用呀) 學關聯
(3)可以用幾張卡 ~ e.g. 玩串連講故事 ~ 小B現在可以玩3-4張卡開始 ~ (一路講故事一路記位置, 最後反轉d卡, 找出正確位置) 幫助記憶
(4)可以用1張卡 ~ 玩估物件 (每次只睇其中一部份, 比d提示) ~ 不過要係小B認識嘅物件先可以玩 ~ 想像力
(5)可以用幾張卡 ~ 玩分類

今日同小B去上第2堂 ^0^ 轉咗班係Snoopy姐姐教

小B已經肯落水前用泳鏡喇 ^0^ 一d都唔扭計

係小水池玩咗一陣 ~ 就去學習池喇 ~

一開始都係面對面4個池 ~
跟住就面向同一方向4個池 ~
再來多個 小B搭住膊頭 ~ 我哋托住小B膝蓋踢腳 ~ 來回4次 ~

其實都好倦下 :p

跟住又玩123 放 ~ 小B開始唔多肯 ^.^

嘩 ~ 有新嘢玩喇 ~

就係 123 跳落水 ^0^
小B超開心 ~ 玩到哈哈大笑 ~ 仲話有魚呢 ^O^ 哈哈
玩到成個泳鏡都入晒水 :p

跟住又再玩返 123放 ~

落堂前仲有樣好玩嘢 ^0^

小B初頭唔多肯 ~

就係123 落水底 推前 ~ 對面Daddy/Mammy接住 ^O^

勁呀 *O*

小B玩咗來回幾次 已經識得係水底時用鼻呼氣喇 ^O^

真係好驚喜 ღ.ღ

Snoopy姐姐話下一堂要帶手袖水泡喇 ~

今日第三堂 ^0^

小B係自己入去上堂架 ^O^ 好叻仔仔

小B係45mins已經玩咗好多份教具 ~

娃娃變妝
紅色風暴
形形色色
Puzzle
Shape by Shape
Clever.Castle. 分類配對..

上完堂老師又我哋講返係屋企可以點同小B玩 ~

玩Shape by Shape..獨立靈活ok ^0^ 主動發現空間問題而變換
玩形形色色..未夠認真專心 ~ 正方, 圓形, 長方都ok ~ 係梯形未太理解. 長短位引導
玩Clever.Castle.. 打直&打橫玩 理解ok ~ 但要慢慢冷靜觀變
玩娃娃變妝.. 認知身體,男女,分析Good~ 手眼Good~ 上下會有(倒轉)

小B都好鍾意上哩個班 ~ 真係好 ~

仲有套聯想卡教我點同小B玩呢 ^0^

今早小B都係7點就起身喇 ~

同小B玩下牆上嘅ABC ~ 我就夠鐘返工喇 ~

小B踏單車同我一齊出門口 ^0^

婆婆帶小B去公園玩 ~

小B比個Big Hug & Kiss 同我Bye Bye ღ.ღ

好甜呀 ღ.ღ

今日天氣好好 ~ 陽光高照 ~ 仲好熱 33度 ~

不過我哋一家三口都帶住快樂嘅心情 ^0^

搭Disney列車 小B就識咗Micky Mouse ~

一路指住Micky Mouse ^0^

一去到飲完支奶揸好防晒 就約好MoonEE係銀色通道等 ~

好快就見到MoonEE ~ 仲教我哋點玩呢 ^O^ 真係多謝晒

小B一入到去已經超興奮 ღ.ღ

一路影下相 一路去目標地 ~

巴斯光年 ^0^ 小B又係自己揸控制器

係噤轉來轉去玩得好開心興奮 ~ 我哋就比小B轉到暈 @.@ 要停一停

小B玩完仲指住巴斯光年大公仔 ~ 係噤叫巴斯光年 巴斯光年 ^0^

玩完巴斯光年 我哋就去坐森林河流之旅 ~

小B知道有得坐船仔 ~ 又好乖噤排隊等候 ~

有得上船喇 ~ 小B乖乖坐好 ^0^

開船喇 ~ 小B好留心噤睇 ~

不時見到識嘅動物 就叫佢哋個名 ^0^

睇下左又睇下右 ~ 好忙碌 ^0^

一圈好快就完喇 ~ 小B仲想玩多次呢 ~

我哋話要去玩第二樣喇 ~

12點有獅子王慶典睇 ~ Disney姐姐話如果想坐前d ~ 就要早30mins去排隊 ~

噤就行定去都差不多喇 ~

未入得前仲有街頭表現睇 ~ 小B又跳埋一份 ^0^ 哈哈

有得入去排隊喇 ~ 小B開始成日問我 ~

姐姐開門 ~ 姐姐開門 ~ … 好多次 ~

等多陣先得呀 ~ 飲多啖水先啦 ~

有得入去坐喇 ~ 好舒服 ~ 有大冷氣 ~

大大降溫 ^0^

同小B講一陣有獅子睇 ~ 有動物跳舞 ~

哈哈 ~ 小B又開始係噤話 ~ 獅子入來 ~ 獅子入來 ~

等一陣先啦 ~ 都未閂門 ~ 閂咗門先入來架 ~

小B又開始係噤話 ~ 快d閂門 ~ 快d閂門 ~ 快d閂門 ~

等多一陣 ~ 就閂喇 ~ 等多一陣 ~ 就閂喇 ~

小B : 閂門喇 ~ 獅子入來 ~

表現終於開始喇 ^0^ 小B即刻好定定噤睇 ~ 神情好專注 ^0^

不時又會拍手 好嘢 ^O^ 小B真係好可愛

睇完表現又係時間去搵定靚位食Lunch ~

搵間有冷氣嘅餐廳 ~ 因為開完餐小B就要午睡休息下喇 ^0^

小B好快就睡著 ~ 我哋就Plan下跟住去玩咩喇 ~ 一路食住雪糕雪條 :p

3點幾喇 ~ 幫小B揸定太陽油先 ~ 揸晒d手仔 ~ 到揸面就醒喇 ~

又再出發去玩喇 ^0^

本來唔打算玩小木馬 ~ 點知小B講咗3次都係要玩小木馬 ~

仲拉住我入去 ~ 噤好喇 ~ 玩咗小木馬先至玩小熊維尼歷險之旅 ^0^

一坐上小木馬 ~ 小B就即刻扶實馬馬 ~

轉動喇 ^0^ 小B笑得好開心

小木馬開始慢慢停喇 ~ 停定了

小B仲唔想走呢 ~ 結果係最後果個走 :p

出咗去都仲要再睇多陣馬仔 ~

好喇 去玩小熊維尼歷險之旅 ^0^

小B又開始開心興奮返喇 ^0^

玩每樣都係好專心好專注 ^O^

再去睇3D米奇幻想曲 ~

戴住3D眼鏡睇 ~ 初初都仲ok架 ~

不過開香檳時 ~ 小B就嚇嚫呀 ~ 仲哭呢 ~

同小B除咗眼鏡氹返 ~ 好d喇 ~

不過小B就同手仔捉實我雙手 ~

經過夢想花園 ~ 見到PoohPooh即刻入去打算影相 ~

不過Disney姐姐話PoohPooh要休息喇 ~

小B好失望 ^.^ du起咀仔

我哋氹小B去同Micky影相 ~

小B終於開心返晒 ~

小B仲攬攬公仔呢 ^0^

玩到過咗小B食奶時間 :p 小B又冇叫肚餓要食 哈哈

拿拿聲開奶 ~ 一路食一路行去小小世界 ~

剛剛好 ~ 食完奶 ~ 又有大冷氣喇 ~ 好舒服 ~

我哋又係坐返船頭位 ^0^

小B真係好鍾意坐船仔玩小小世界 ^0^

又多嘢睇又有歌仔聽 ~

玩完一次小B又要求玩多次呢 ^O^

結果當然係玩多次啦 ~

小B一樣係好專注噤 左望右望 ~

好吸引 ~

去返明日世界 ~ 小B又見到巴斯光年大公仔 ~

又指住 叫 巴斯光年 巴斯光年 ~

結果我哋又入去玩多次 ^0^ 真係好好玩

仲試下去睇下有冇得玩 馳車天地 ^0^

Disney哥哥話 ~ 睇下夠唔夠高先 ~

小B好攪笑 ~ 竟然即刻”吉”高雙腳 ^O^ 哈哈 比小B笑死

冇影低真可惜 ~

其實小B唔使出”吉”高雙腳都夠高架 ~ 要高過81cm就可以玩架喇 ~ 小B有88cm

Disney哥哥話唔可以”吉”高雙腳架 ~ 企直 ~ 小B真係企返好 ^0^

Disney哥哥話 得喇 ~ 夠高 ~ 可以入去玩喇 ~

小B即刻好開心話 : 唔該晒 好開心 跳住噤跑入去排隊 ~

真係攪笑得來又可愛 ღ.ღ

小B享受第一次駕駛的樂趣 ^O^

超級開心興奮 ^0^

跟住同小B去UFO地帶玩水 ~

小B第一次玩濕身玩意 ~

小B好好奇噤四維噤四維試 ~

按鈕就要有水出 ~ 跑來跑去 試多幾次 ~

用腳踏有燈 ~ 睇真d ~ 有水呀 ~ 一面濕晒仲哈哈大笑 ^0^

玩得開心極了 ღ.ღ

由頭濕到腳 當然係連鞋仔都濕晒啦 哈哈 ^0^

換過件衫 ~ 諗緊現在走定睇完煙花先走 ~

Daddy : 銘軒 ~ 你想現在走定睇完煙花先走呀 ?
小B : 煙花
Daddy : 你想睇煙花呀 ?
小B : 係

由於小B想睇煙花 ~ 所以我哋要去搵個靚位食晚餐先喇 ~

小B第一次食薯條 ~ 不過冇影低 :p

仲同我分享個生菜雞包呢 ^0^ 小B食得好滋味

8點 ~ 去搵定位睇煙花 ^0^

小B好期待 ^0^

煙花開始喇 ~ 你睇小B睇得幾入神 ~

煙花好快就完喇 ~ 要走喇 ~

小B今日一定係玩得超級開心 ~

一路走 一路諗諗下 又望住我開心甜笑 ~ 一路諗諗下 又望住我開心甜笑 ~

我哋嘅可愛小寶貝 ღ.ღ ღ.ღ

MoonEE仲送埋我哋返屋企呢 ^0^

9點就返到喇 ~ 真係十分之唔該晒 ~

同小B洗完白白 ~ 食完奶奶 ~ 刷埋牙仔 ~

一唱完歌仔 ~ 小B已經甜甜入睡喇 ღ.ღ

好耐冇玩過配對板 ^0^ 今日玩返又有新鮮感喇

小B好叻叻 ^0^

成功配到8對動物呀 ^O^

反斗BB又跌倒 ^^”

婆婆同BB”luk”雞蛋 成條銀鏈七彩色 @.@

返工前同小B講定 ~

我 : 銘軒 ~ 婆婆一陣帶你去上堂呀 ~ 你自己入去同Winky姐姐玩喇 ~
小B : 知 ~ winky ~

今日係第二堂 ~

一去到小B洗完手就自己行咗入去上堂喇 ~

婆婆話小B一上完堂出來就搵Daddy ^0^

IQ珠
Car Park
Clever.Castle. 分類配對..
Magnetic
Car Match
North Polo
紅色風暴
Pete’s pilce
Puzzle木板1×4

玩咗9樣教具 ^0^

視覺感知 ~ 一般空間感知
專注力 ~ 少許眼睛不集中, 耐力較前進步
判斷力 ~ 多角度 (上下左右角度在學習)
零形 認知稍遜色 同正方混淆 ~ 顏色一般

學習空間配合與形狀視覺感知 , 手部轉動板面組織 , 顏色認知理解