等咗噤耐結果都係要催生 …o(‵▽′)ψ

0730 老公帶咗個好味早餐一起食  ღ.ღ  仲叫我唔使驚佢會陪住我

0800 姑娘叫我食多d, 入咗產房就冇得食, 食完就換咗件衫預備落產房

0830 訓上張床推落產房, 老公陪住我落產房, 不過姑娘話要有mask先比入 ~ 叫老公買咗再返來 ~

我就比姑娘推咗入去間房 ~ 自己一個人好驚 ~

跟住就即刻比好幾個醫護人員捉住晒d手同身 ~ 又冇話比我知做咩喎 ~

左手打針, 右手抽血, 又夾手指, 又係我身上搭機 …

總之就係全冇心理準備下, 比人捉住晒動彈不得 … 所以仲驚哭了 …

所以d機係噤叫 ~ 心跳又快 血壓又高 ~

醫生來到見我哭緊 ~ 輕輕拍我叫我唔使驚 ~ 慢慢深呼吸 ~

叫姑娘唔好夾我手指同放鬆返我身上嘅機 …

只係得返左手要插住針頭 ~ 我開始慢慢放鬆返 ~ 定返d ~

醫生幫我做檢查, 之後就再上返d機 ~

心跳血壓都正常返晒 ~ BB心跳都正常 ~

血糖高咗 ~ 我話比姑娘聽因為我今朝食多咗嘢 ~ 之前正常架 ^^

姑娘話做咩食噤多嘢 ~

我話頭先姑娘叫我食多d入咗產房冇得食 ~ 噤我咪食多啖囉 ~

噤2個鐘後再驗過啦 ~ 

0925 吊催生藥 1.2ml/hr

終於比老公入來陪我  ღ.ღ  老公係到即刻安定返晒

間房只係得我哋2個, 姑娘久唔久先會入來問下我有冇陣痛 ~ 

1030 加催生藥至 2.4ml/hr

d機vv叫, 姑娘入來睇下咩事, 原來BB轉咗位聽唔到心跳 ~

幫我整返好, 問下我有冇陣痛又出返去 ~

1100 開始有反應喇 ღ.ღ 微痛

老公一直陪住我傾下計 ~

姑娘問我想用邊隻減痛法 ~

其實我而家又唔係好痛, 得小小痛, 都未決定 ~

姑娘話噤等你痛d決定咗就話佢聽 ~

笑氣就隨時都有, 如果選擇打止痛針或無痛就要早d講 ~

姑娘比咗張止痛方法嘅利弊資料我哋睇 ~

噤我就同老公傾下一陣用咩好呢 ~

1330 開咗半度喇 姑娘幫我減藥至0.6ml/hr

不過都仲係得微痛 ^^ 姑娘話要痛多d先開架 …

希望快d大痛啦 ^.^

老公出去食飯 ~ 我就冇嘢食 ~ 不過可能吊住d水所以又唔覺餓喎 ~

姑娘換咗間 ~ 

1505 姑娘幫我做種菌化驗

1515 都仲係半度 ~

姑娘見我都仲係唔係好痛, 所以決定幫我人手穿羊膜 ~

痛楚多咗 ~ 4-5分痛吧 ~ 竟然係覺得開心 ^^ 係唔係好奇

終於比老公入來陪我 不過姑娘話唔可以太耐要留返d時間陪產

有老公陪開心好多  ღ.ღ  老公帶咗潤唇膏幫我揸嘴嘴 ~ 冇噤亁

老公話如果痛就用笑氣啦 ~ 唔好頂 ~ 

1545 姑娘幫我check開咗一度, 加藥

加藥後痛得再密咗 ~ 希望快d十分痛啦 ღ.ღ 噤我就可以快d見到小B

1800 老公嚮出面按intercom按到冇人採, 點都唔卑老公入來

只係比個電話我同老公傾下 ~ 問下我情況點 ~

痛得密咗 ~ 有d倦 ~ 老公問我有冇用笑氣 ~ 我話冇 ~

做咩唔用呀 ~ 因為驚用咗唔知痛, 要痛先開呀嗎 … 真  “X”

老公話唔好頂 ~ 叫我快d用笑氣啦 ~ 噤辛苦 ~

用咗笑氣, 吸嘅時間要好準 ~ 吸中就唔覺痛, 吸唔中就痛 ~

1930 姑娘話你媽咪找你 ~ 比個電話我打比Mummy傾下 ~

Mummy問我倦唔倦餓唔餓 ~ 好快BB就出世喇 ~ 唔使驚 ~

痛噤耐不如開刀啦 ~

其實都開始有d餓啦 ~ 用咗笑氣而家好返好多 ~

Mummy比個電話老公同我傾 ~ 

老公問我有冇好d ~ 好好多 ~ 不過都係痛同已經好倦 ~

老公要求開刀, 可惜醫生堅持要等到2300再決定 ~

噤打止痛針啦 ~ 會冇噤辛苦 ~

姑娘又唔肯比老公入來陪我 ~

我同小B講快d一起努力啦 ~ DaddyMummy同好多人都等緊你架 ~

2000 姑娘幫我check都仲係一度 ~ 叫我打電話話比家人聽 ~

我同姑娘講想打止痛針 ~ 姑娘話安排下 ~

2100 都仲未有得打 ~ 姑娘話要等醫生 …

2200 姑娘再check開唔開到 ~ 都係一度 ~

BB就落咗d, 話摸到BB有頭髮  :)

2230 醫生來到又再check多次confirm都係一度 ~

決定同我開刀 ~

我要求老公入來同我一起同意 ~

終於見到老公, 當時其實已經係十分之倦 ~ 成身冇力 …

老公讚我好叻, 做得好好 我哋開刀啦 ~ 會冇噤辛苦 ~

一直想順產嘅我 ~ 試又試過痛又痛過 ~ 都要開一刀 ~

老公同我聽完醫生講解, 簽咗同意書 ~

再有麻醉科醫生講解 ~ 之後就推我去手術室.

老公捉住我隻手叫我唔使驚 ~ 佢係出面等我 ~

入到手術室, 我其實好驚 ~.~ 有好幾個醫護人員按實我 ~

打傾身之餘仲要曲埋, 盡量張條背脊骨凸出 ~ 打麻醉針 ~ 半身麻醉

打完針好快就冇感覺 ~ 不過就成身震晒 ~ 震得好勁 ~

雖然我驚, 但都不至於會震成噤 ~

我問醫生點解我會噤震架 ~ 會唔會影響開刀整親BB架 ~

醫生話打咗麻醉針會有噤嘅反應, 不過唔會影響開刀 ~

因為你只係上半身震, 下身係完全唔會郁嘅 ~

哦 ~ 唔該晒 ~ 噤我都放心d ^^

姑娘用冰放係我手背問我凍唔凍 ~ 凍當然凍啦 ~

跟住就放係我個腹部周圍問我凍唔凍 ~

我只係覺得有嘢郁郁下 ~ 一d都唔凍 ~

2300 手術開始 

當聽到嘩一聲, 就知小B出咗世喇 ღ.ღ 當時好開心感動

姑娘同BB打腳印同我打指紋 做記錄