ღღ 去咗龍蝦灣郊遊徑行山 ღღ
今日下午出發去龍蝦灣郊遊徑行山, 好開心 ~
係我鍾意嘅地方 
有綠草, 花, 樹, 山, 仲可以望到海添呀 ~ 正 ღ.ღ
落咗車後, 行咗dd向上嘅斜路, 跟住就係平坦道路, 沿途都有大樹, 微微嘅清風,
有大量嘅清新空氣, 好舒服
好快就到咗起步點喇 ~ 睇一睇地圖, 就開始行上山頂, 山頂有幾高其實我唔知架 :p
沿途風景都好靚 ~ 係我鍾意嘅地方 仲可以望到海 ~ 見到果洲添 ~
有風冇蜜蜂, 冇風有蜜蜂 ~ 每次停一停休息, 蜜蜂就來歡迎 @.@
所以好快就上到山頂喇 :p 大約 45mins-1hr 都唔知行咗幾多級樓梯級 ~
山頂好大風, 我就當然要休息下先啦 ~
老公就四維影相 ~
休息一陣之後, 當然要四維睇下啦 ~ 360度都可以睇到海 ~
仲睇到好多潛水地點添 ~ 當然我都要影返幾張靚相啦 ~ BB都有份架
影完相, 搵個靚位坐低, 食下嘢飲下嘢, 休息下就開始慢慢行落山喇 ~
因為我而家肚裡面帶住BB, 好多難行嘅山路都已經唔行得lu ~
哩個地方好好, 滿足晒我嘅要求 所以今日玩得好開心
