ღღ 橋頭糖廠 > 大遠百百貨 > 機場 ღღ
係台灣行程最後一天 ~
一早吃完早餐 check out 放低行李寄存 ~
就出發去橋頭糖廠 ~ 行緊去車站其間突然落大雨 ~ 真係好大 ~
好彩剛剛有大廈有得遮雨 仲有椅坐 ~
等咗15mins ~ 都未停雨 ~
小B又差不多夠鍾飲奶 ~ 早小小比小B飲咗睡覺先 ~
小B真係食完就睡覺喇 ~ DIY咗小小嘢 ~ 涼晒 ~ 小B睡得好舒服 ~
雨開始細咗小小 ~ 就再快步行去車站 ~
去到糖廠車站 ~ 都仲係好大雨 ~ 小B已經起咗身 ~
決定用背帶咩小B行去 ~ 食下杯好出名嘅 紅豆酵母冰 ~
一食 ~.~ 好難食
一家三口 只係食晒d好味紅豆 ^.^ 酵母冰垃圾桶食
真係仲好大雨 ~ 都冇咩好行 ~
返車站搭去 三多商圈 行下商場 大遠百百貨 ~
由於都仲係有雨 ~ 所以只係老公搭車返酒店攞返件行李 ~
我同小B坐低飲嘢 ~ 約返4點係車站等 ~
4點20分喇 ~ 老公仲未到 ~ 我有點擔心 ~
唔知係唔係小B感覺到 ~
小B都開始問 ~ Daddy係邊 ~ Daddy返來 ~
我 : 你掛住Daddy呀 ~
小B : 係
我 : Daddy好快返來 ~ 我同你行去搵下好唔好 ~
小B : 好
4點30分喇 ~ 終於見到老公喇 ~
小B好開心 ~
一家三口搭車去機場 ~ 搭7點機 ~
都仲係好大雨 ~ 仲行雷 … 飛機Delay 30mins
小B係機場跑倦了 ~ 睡著 ~
有得上機喇 ~ 小B仲睡緊 ~
有氣流 ~ 小B耳仔唔舒服 ~ 比個DotDot小B繼續睡 ~
好有食神嘅小B 一派飛機餐就醒 ^0^
排排坐等食 :p
不過小B冇訂兒童餐 ~ 同我一起食 ~
跟住飲支奶 ~
差不多到香港時又有氣流 ~
上落幾下 ~ 小B就嘔晒出來 ^^”
小B同我又一身都係 …
嘔完舒服晒 ~ 小B好興奮噤睇飛機降落 ~
小B : 返到喇 ~ 落車 ~
我 : 係落機 ~
今個旅程玩得好開心 ^0^ 只係最尾哩日差d
我 : 今個旅行開唔開心呀
小B : 開心