3歲時去MCH見完姑娘 ~
約咗今日見醫生 ~ 帶埋學校信 ~
見足成個鐘 ~ 醫生同銘軒玩咗好多嘢 ~
銘軒一入到去就話想玩車 ~ 醫生話一陣先請你玩 ~
而家玩咗積木先 ~
積木 ~ 自由拚砌 , 12粒以上疊高 , 3粒積木2粒下1粒上要可以比車仔過到 , 6粒積木砌出3极樓梯
顏色 ~ 認出6種顏色以上
數數 ~ 數出5粒顏色積木 ~ 放4粒黃色入杯 ~ 杯入面共有幾多粒 ~ 放3粒紅色入杯 ~ 杯入面共有幾多粒
認圖形 ~
畫圖 ~ 比個十字圖 銘軒畫返出來 再比個圓形圖 銘軒畫返出來 再畫多一個細d嘅圓形 銘軒都畫出來 最後一個正方形圖 銘軒話唔識畫 醫生叫試下 銘軒都有試畫
比個扭實瓶蓋的瓶 叫銘軒扭開拿出入面的萬字夾 再張萬字夾放返入去 扭返實個瓶蓋
認知圖片 ~ 每三張一組 問一條問題選出正確一張
玩咗9組 都答對晒
醫生仲比2支匙比銘軒 ~ 邊支大 ? 噤另外果支係咩 ?
銘軒 : 哩支大 ~ 哩支係細
仲有玩咗其他 ~ 最後醫生終於比銘軒玩車仔
銘軒玩完白色 又問醫生要玩埋紅色車 ~
醫生不停同銘軒傾計對話 ~ 又問我哋多一d資料 ~
成個檢查完成了 ~
醫生話銘軒係語言, 智力, 認知方面都高過3歲 ~
專注方面 現在睇唔到 ~ 因為我同佢不停噤轉換同佢玩 ~ 所以就算真係唔專注都睇唔出來 ~
眼神係真係小交流 ~ 都係問題之一 ~
可能佢覺得用口已經答覆好 唔需要望你 ~
你叫佢係有一刻 ~
要再睇睇係唔係大自我中心 ~
脾氣同唔回應問題 ~ 就同佢認知口才都有d關係 ~ 可能佢覺得太淺太無聊 或者超越佢能力都會
情感表達係比較難理解明白 不過佢把口噤叻
係屋企多d同佢講多一d你哋嘅感受 ~
等佢多d形容詞去表達自己心情 ~
醫生覺得需要寫封轉介信比我哋去做進一步的檢查 ~ 果道會做得更加詳盡 每樣都會有返個報告
睇完醫生 等姑娘叫名拿埋封轉介信 ~
即刻打電話去約期 ~
約咗8月24日 面見時間大約要個半至2個鐘 ~
早d知道咩事都好 ~