ღღ 老公做鼻骨鼻竇手術 ღღ
早上6點我哋已經到咗醫院 ~
送老公去手術室 ~ 我話等你出來 ~ 一陣見 ~
7點半就入咗手術室做手術 ~ 要全身麻醉 ~
醫生之前話大約2個鐘到就會完成 ~
9點半喇 ~ 未見 ~ 心諗住可能剛剛做好等醒咗先推上來呢 ~
10點喇 ~ 都未見 ~ 心諗住可能未有姑娘得閒推上來呢 ~
到咗10點半 ~ 終於忍唔住去問下姑娘 ~
姑娘話做緊手術未出來 ~ 就快架喇 ~
一路擔心又唔可以表露出來 ~
11點喇 ~ 終於返上來喇 ~
做咗成3個半鐘 ~ 真係擔心死我 ^.^
見到老公咪埋眼 ~
我問睡咗呀 ~ 老公慢慢打開眼睛 ~
我即時放心好多 ~
跟住一齊返入病房 ~
姑娘話做完手術全身麻醉 ~
要6個鐘後先可以試下飲水 ~
飲咗水半個鐘內冇嘔冇其他唔舒服就可以食嘢喇 ~
即係可以食晚餐啦 ~
唔該媽咪幫我煲粥水比老公食 ^0^
老公現在個鼻有棉條塞住 ~ 冇得用鼻呼吸 ~
用水同老公濕下口唇 ~ 等佢冇噤亁 ~
麻醉藥慢慢慢慢噤退晒 ~ 老公話手腳都冇噤倦喇 ~
老公講返個麻醉感覺比我知 ~
話做全身麻醉好恐怖 ~
Feel到由左手開始麻痺一直去到手肘 ~ 個感覺好得人驚 ~
之後就冇晒感覺喇 ~ 直至有人拍佢 ~ 就推返佢上來 ~
同我之前做半身麻醉個感覺好唔同 ~
姑娘拿咗一瓶嘢來 ~ 原來係做手術切出來嘅鼻骨同鼻竇 ~ 都切咗好多嘢出來 ^^
終於夠鐘喇 ~ 可以試下飲水喇 ~
由於冇咗個鼻 ~ 口又打唔大 ~ 又要用口吸氣呼氣 ~ 仲要飲食 ~ 真係好難 ~
潛水點食嘢飲嘢呀 ~
初初試用幼飲管飲水 ~ 不過飲唔到 ~
要用超幼飲管飲水 ~ 仲要慢慢噤飲 ~
好好冇嘔同唔舒服 ~
晚餐食粥水 ~ 都唔可以大匙 ~
要用茶匙食 ~ 慢慢食 ~ 食一陣又休一休 先可以再食過 ~
晚上8點半 ~ 醫生來喇 ~
醫生話手術做得好好 ~ 好成功 ~
食到嘢好好 ~ 有d人第一日係食唔到嘢架 ~
好快就好返晒喇 ~
明天再來 ~