晚上我剛剛洗完白白 ~
老公話小B咬咗張紙入口 ~ 唔比佢拿返出來 ~ 叫我拿 ~
噤我就抱住小B放隻手指入去睇下啦 ~
一摸 ~ 紙就冇喇 ~ 但係就好介手 ~ 好利喎 ~
摸真d真係好介手喎 ^0^
我即刻話老公BB出咗牙啦 ღ.ღ 當時真係好開心好興奮 ^0^
我按住小B下巴仔 ~ 比Mummy睇下 ~
真係出咗喇 ~ 右邊果隻出d ~ 左邊果隻都出緊 ~ 下面有兩隻牙仔喇 ღ.ღ
老公都睇到 ^0^
我攬住小B同小B講好嘢 ~ 出咗牙仔喇 ~
我果刻真係好開心好興奮 ღ.ღ 星期六幫小B刷牙牙都未出架
牙仔相當然要影下啦 ~ 不過要等小B睡著咗先得 ^^
牙仔好尖呢 ^0^
我同小B玩手巾 ~
peek-a-boo ~ I See YOU ~
peek-a-boo ~ I See YOU ~
小B同我玩得好開心 ^O^ 哈哈大笑
Daddy係書房聽到小B笑得噤開心都忍唔住要伸個頭來睇下 ღ.ღ
當然係即刻就比小B發現咗啦 ~ 好快手噤爬去Daddy到要Daddy抱抱同佢玩 ^0^
哈哈 ~ 我有得去洗白白喇 :p Daddy話中咗招 └(゜∀゜)
我同婆婆講緊電話 ~
小B又要同婆婆傾計計 ~
真係eeoo噤對答架 ^0^
傾咗陣 ~ 小B唔傾喇 ~
噤我當然自己傾喇 ~
小B爬返過來攬住我錫錫 ^0^ 錫到我成面口水 ღ.ღ
跟住就爬返開去玩喇 ^.^
Daddy訓係床 ~
我抱埋小B入房 ~ 小B見到Daddy訓係到就爬過去 ~
跟住就用自己個嘴仔對住Daddy個嘴仔錫落去 ^0^
跟住係到吹氣 ~ 哈哈 ~
Daddy唔敢郁唔敢講嘢 ~ 只係合埋個嘴 ~
小B好有節奏噤吹架 ~
吹完一啖 ~ 抬起頭 ~ 再落過去 ~ 再吹過 ~ 起碼有成3-4次 ~
個情景真係好攪笑 ^0^
小B一抬起頭 ~ Daddy即刻話 “ Daddy冇事呀 ~ 唔使做人工呼叫架 ”
小B當然冇理啦 ~ 又再落過去 ~ 再吹過 ~
我睇住佢哋真係好攪笑 ~ 笑死我 ^0^
當然要拍低佢啦 ~
成日都聽到d人講同BB去PlayGroup ~
究竟PlayGroup係d咩來架呢 ~ 係玩咩架呢 ~ 真係好想知 ~
結果我當然係要去睇下玩下啦 ^0^
小B第一次去PlayGroup ~
我哋早咗去到 ~ 小B仲睡緊未醒 ~
個老師就專登用玩具火車丁丁丁噤丁醒小B ^^” 都未夠鐘 …
小B睡眼星鬆噤 … 過咗一陣開始清醒d喇 ~
我比個玩具小B玩下 ~
其他小朋友都開始到喇 ~ 有6個小朋友 ~
本來可以父母同BB一齊玩架 ~ 不過因為h1n1嘅關係 ~ 只可以一個+BB ~.~
結果就我同小B一齊留低玩 ~ 老公就1個鐘返來接我哋 ~
老師開始唱歌喇 ~ “時間又到差唔多”
原來係開始收埋晒d玩具喇 ~
跟住就排排坐 ~
老師又唱歌喇 ~ “小朋友 小朋友 一齊來歌唱 ~ 我請大家先坐下 一齊開心下”
一路唱就一路拍手
小B就好開心噤跟住拍拍手 ^0^
老師讚小B好叻 ~ 小B就好開心噤對住老師笑 ~ 仲拍多幾下又同老師eeoo ~
老師每個bb比一個噹噹 ~
一齊搖 ~ 由一隻手交去另一隻手 ~ 小B一早都已經識 ~
仲係噤eeoo對住老師講嘢 ~ 老師又eeoo噤答返小B ~ 好攪笑 ^0^
玩完一樣又係收玩具時間 ~ 老師攞住個籃 ~ 叫bb放落去 ~
小B開頭唔放架 ~ 老師係整鬆小B隻手 ~ 噹噹自然趺落籃 ~ 老師即刻讚好叻 ~
收完玩具又有另一種喇 ~
沙沙每人兩個 ~ 好似拍手噤兩個沙沙互打 ~ 小B當然都做到啦 ~
又係到對住老師笑 ^0^
跟住就要bb自己拿一個 我拿一個 老師做一次 到小B自己做 ~
小B真係用自己個沙沙打落我個沙沙到 ^0^ 老師話小B好叻 ~
又收玩具喇 ~
老師拿咗一堆正方木出來 ~
小B就即刻爬去老師到拿 ~ 不過老師冇比佢 ~
因為老師話要坐好先有 ~ 小B係最坐唔定嘅一個 ^^”
所以最遲先有 ~ 一人一籃正方木 ~
今次係要bb比d正方木我 ^0^ 平日我都有教過小B比嘢我 ~
所以小B好快就比晒我喇 ^0^
返而就唔會放返入籃 ^^
老師將d正方木轉成其他形狀木 ~
小B有留心觀察 ~ 仲放入口探索下 ^^
老師話噤係好嘅 ~ 因為佢知道有唔同 ~
又收玩具喇 ~
跟住係玩(捐)山窿 ~ 老師話係訓練空間感 ~
其中一個係舊生 ~ 所以佢第一個爬先做示範 ~ 老師用個噹噹引佢爬過去 ~
小B一見佢爬咗過去 ~ 小B就即刻爬入去 仲好快返咗過去 ^^ 連噹噹都唔使用
跟住當然係要學排隊再去爬過啦 ^0^
不過小B就好心急 ~ 結果老師要比個噹噹佢等佢安靜排隊 ^^”
有噹噹玩當然冇問題啦 ~ 其他bb見小B有又要有 ~ 結果個個都有噹噹玩 ~
老師開始唱歌喇 ~ “時間又到差唔多”
完來噤快就一個鐘喇 ~
老師話可以係屋企卷張被比小B爬多d ~
等佢可以落點好d ~ 手腳協調再好d ~