我要換衫衫 ~ 小B拉住我 ~

噤我就同小B講 “Mummy係唔係要換衫衫先可以餵奶奶呀”

小B答 “係呀”

小B近排好鍾意攬住我隻腳 ^0^

我企係到時小B就好鍾意行過來攬住我隻腳 ^O^

好驕嗲噤用塊面仔挨埋來望住我笑 ღ.ღ

真係識氹人開心 ღ.ღ

平日每當幫小B做完一d嘢 ~ 都會代小B講 ~ 唔該Daddy/Mummy ~

今日Daddy幫小B洗面面 ~

小B講 “唔該Daddy” ^0^

好開心呀 ~

我哋個有禮貌小寶貝 ღ.ღ DaddyMummy錫晒

上一次其實已經試過比我話 ~ 哭了 ~

哭得好慘噤 …

今次又再攞我眼鏡 ~ 唔知係小B已經唔記得咗 ~ 定係想再試下 ~

當然都係比我話啦 ~ 又哭了 ~

似懂非懂噤聽我講嘢 ~ 聽聽下又哭過 ~

我就會話知道錯下次就唔好喇 ~ 唔哭喇 ~ 收晒 ~ 收晒 ~

小B就開始慢慢收晒唔哭 …

小B第二次比我話 ~

婆婆要返屋企喇 ~

叫小B同婆婆ByeBye ~

小B就大叫 跟住攬實婆婆唔比走 ^^”

點都唔肯同婆婆ByeBye ^^

攬到實一實 ^0^

婆婆話小B今日好黐身 ~

行開半步都唔得 ^^”

成日都做唔到嘢 ~

黐到實一實 ^^

新鮮淮山　　　　　　1份 (2″)       

節瓜　　　　　　　　2份       

瘦肉(磨容)　　　　　6茶匙

米　　　　　　　　　2湯匙

水　　　　　　　　　240ml

全部大火煲滾後放入燉盅 / 轉細火5mins後放入燜燒杯 ~

2小時後食得 ^0^

有2碗杰粥仔

我要返工喇 ~ 同小B講Mummy返工喇 ^0^

ByeBye啦 ~ 小B諗咗陣 ~

你乖乖同婆婆係屋企玩啦 ^0^ ByeBye

小B先肯同我開合開合手仔ByeBye ^0^ 

我抱小B去門口接婆婆 ^0^

小B一見到婆婆就好開心噤 “呀 呀” 叫婆婆 ~

仲即刻飛撲去攬實婆婆 ^O^ 氹到婆婆好開心

小B真係好掛住婆婆呢 ღ.ღ

今早小B同我哋一齊係大床訓 ~

見我哋都訓係枕頭到 ~

小B又學我哋張個頭仔訓係枕頭到 ~

試完Daddy果個又訓我果個 ~ 仲對住我哋笑 ^0^

好攪笑 ღ.ღ 我哋嘅可愛小BB