ღღ 粥仔 ~ 今日BB食西蘭花碎肉粥 ღღ
瘦肉 1份
米 1湯匙
水 180ml
西蘭花 1份
瘦肉(磨容) 1茶匙
全部大火煲滾後放入燉盅 / 轉細火5mins後放入燜燒杯 ~
1.5小時後放入瘦肉(磨容) ~
30mins後加入西蘭花食得 ^0^
有1碗杰粥仔
西蘭花要預先灼熟整容 ~
21 March, 2009
ღღ BB食生蝦事件 &_& 嚇到Mummy唔知點算 ღღ
今早小B係地下玩緊玩具 ~
噤我就打算去煲落粥仔之後先至去餵小B食奶糊啦 ~
點知突然聽到小B咳喎 … 噤就出去睇下咩事啦 ~
遠遠見到小B左手拿住d嘢食緊 ? 好似食緊牛肉乾又好似食緊木屑 ??
仲又咬又吮食得好嗞味 ~
行到小B身邊睇真d !! 一睇見到小B原來係拿住隻生蝦 &_&
當時真係嚇到我唔知點算好 @@ 小B食緊蝦頭呀 …
捉住小B隻手 ~ 叫醒訓緊覺嘅老公 ~
我 : 小B食緊魚缸入面隻蝦呀 … 點算呀 …
老公 : (仲未訓醒未睇就話) 比啖水佢飲啦 ~
我 : 哦 ~ 你捉實佢隻手啦 ~ 拿拿聲去攞水 ~
老公 : (終於醒咗睇到) 吓 ~ 快d幫佢刷牙洗口啦 ~
我 : 哦 ~ 拿拿聲再去攞紗巾&水 ~
老公 : beebee快d放手啦 …
小B : (係噤揸實點都唔肯放 ~ ) 哭
終於生蝦做咗死蝦 … 係佢搵到架 … 邊肯比人呀 …
平日最鍾意影低小B嘅我 ~ 驚慌失措直頭冇諗起要影低佢 ~
一攞到小B手上嘅蝦就拿拿聲掉咗 ~
快快手幫小B刷牙洗口再比返d水佢飲 ^^
小B當然就係一路哭啦 …
事後問返老公~ 原來老公初初諗緊小B食咗蝦乾噤咪好咸囉 ~
所以叫我拿水比小B飲 ~
當老公見到隻蝦尾嘅時候就醒晒 ~ 吓 ~ 食咗我隻蝦 @.<
咩睡意都冇晒 ~
小寶寶食生蝦事件 &_& 嚇到Mummy唔知點算 …