好趕急噤係30mins內食完lunch *.*

1:00pm準時到達會場 ~ 點知成2:00pm講座先正式開始 >.< 真係……

哩個講座好另類 ~ 另到我都有d混淆 ~

一直已來都係叫我哋飲高鈣低脂奶, 食多d高蛋白質嘅嘢 ~

但係哩個講座, 反而講牛奶對我哋嘅唔好處 ~ 真係好小會聽到 ~

原來牛奶嘅蛋白質係高過人奶好多, 最高嘅竟然係老鼠奶 ~

佢話餵人奶嘅BB, 會好好多 ~

唔會有敏感同奶癬問題 ~ 有好好嘅抵抗力 ~

因為BB係對牛奶蛋白容易敏感, 即係好似花生容易敏感一樣 ~

所以媽媽如果係餵母乳, 其實並不需要飲牛奶 ~

因為媽媽食咩嘢, BB就係食咩嘢, 係會經母乳傳比BB嘅 ~

佢話如果要鈣, 就食鈣片好了 ~

當然佢話如果媽媽要餵母乳, 就一定要對自己有信心同堅持 (係好重要嘅)

第二當然係要得到老公嘅支持啦 ~

亦要忍受其他人對你嘅批評 (e.g. 個bb噤瘦, 你唔夠奶架 … )

只要堅持同有信心, 有正確姿勢, 就能成功架喇 ~

跟住仲播咗段片, 係有兩對母嬰 (一對係自然分娩, 另一對係開刀)

自然分娩嘅BB好精靈, 將BB放係媽媽嘅肚上面, 自己就已經識得向上爬, 找到媽媽乳房仲識得吸吮 ~

好神奇, 好奇妙, 一切都好自然 ~

而另一對係開刀, 雖然BB受到麻醉藥嘅影響比較慢, 但同樣地BB都識得向上爬, 找到媽媽乳房仲識得吸吮 ~

係天生嘅本能, 真係好自然 ~

我當時諗, 我都要試下 ~ 一定好溫馨  ღ.ღ

講師仲話最好係生產後半個鐘至一個鐘內開始餵哺母乳 ~

BB嘅吸吮會比信號腦部, 腦部叫乳竇分泌母乳, 係需要時間嘅 ~

初乳雖然小, 但係一定夠BB食, 開頭就要就下BB密密餵 ~

因為BB咀仔細, 胃仔細, 同埋要好用力, 所以要餵密d ~

大約一個week, 母乳就開始暢順, 比較容易架喇 ~

餵到頭兩個week, 之後就冇問題架喇 ~

最後都係叫媽媽要對自己有信心 ~

係由助產士主講 ~

講返由精子+卵子結合, 分裂分裂再分裂嘅過程, 直至胎兒成長至出生嘅過程 ~

又教我哋嘅起居飲食 ~

原來有個新嘅食物金字塔, 最尖頂果層, 係白麵包, 紅肉同馬鈴薯, 真係估唔到 ~

最低果層就加入咗每日要做運動 ~

另外就係講, 我哋要輕輕鬆鬆快快樂樂噤過每一天 ~

因為我哋嘅情緒, 係會直接傳咗比胎兒 ~

仲有就係要分配定分娩後嘅家務/育嬰嘅工作 ~

噤就上完第一堂 ^.^ 趕去下一場先