連續飲咗幾日熱檸水/熱薑蜜, 仲有休息多d, 連地都冇精神掃同拖 ^^”

今日終於好返好多喇, 冇之前噤辛苦

希望快d好返晒啦

本週身體及胎兒變化情形

幸福的 Kat 目前懷孕 10 週 0 天，預產期是 2008/07/14 ， 209 天後您的小寶貝就出生了。
我而家嘅　體重 : 108lb
　　　　　肚圍 : 80cm     

妊娠 3 個月（9～12週）
胎兒成長
胎兒身長：約8公分
胎兒體重：約20公克(約2個小蕃茄的重量)
母體正常變化
子宮底高度：約12公分
羊水量：約50CC
 第10週　　肺臟、胃腸構造形成
1.胎兒成長快速，胸部內有肺臟構造，腹部內有胃腸構造。
2.從超音波可看見眼、耳、鼻、口的外觀。
第9～10週
1.子宮持續膨大但未凸出骨盆腔，此時體積約一個橘子大。
2. 下腹有壓迫感，頻尿、便祕現象更明顯。
3. 腸胃壓迫仍未明顯，只是有些微腹脹。
下週重點：聽到胎心。
   

	2007年12月17日 – 2007年12月23日
堅持飯前洗手。懷孕期間更要避免因不慎飲食而引起腸胃病，一則可減少服藥機會，二則免自己吃苦。丟棄儲存不當或過久的食物。購買食品時，留意產品包裝上的標籤，了解食品的營養和成分是否有益。     注意體重，一直到約32週前，體重最好每週增加一磅，記著不要吃容易致肥的所謂垃圾食物。     設法與同事保持良好關係，避免捲入糾紛，也要和家人有良好的溝通，令情緒保持穩定。

 

 

今日老公約咗班網友去潛水, 我就約DaddyMummy過來陪我行街街

都係行下沙田市中心噤 ~

不過行咗個零鐘, 我又已經開始倦同餓 ~

噤就去咗飲下荼食下嘢 ~ 唔知係唔係好耐冇食過錦銠雲吞 ~ 覺得好好味仲食咗兩大隻tim :p

可能都係鍾意食d酸酸甜甜嘅嘢囉 …

食食下老公打比我, 話我聽而家開始等食嘢 ~

仲話海下沉船, 都算幾清, 有3-4米能見度. 去到赤洲仲清呀, 有成5-6米能見度.

幾好玩噤喎 ~ 跟住就話有得食喇 ~ 晏d再打比我 ~

我同DaddyMummy飲完茶都差唔多3點 ~

噤我哋就行多一陣街, 差唔多4點, 我又開始倦 zzz

噤我哋就各自返家啦 ~

剛剛回到家, 老公就打比我話佢已經搭緊車返來喇 ~

噤我更係沖返個暖水涼訓陣先啦

昨晚已經飲咗杯熱檸薑水 ~

不過都唔係好得呀

今日個鼻仲痛添丫 …

Lunch再試下飲多杯熱檸水, 希望會快d好返啦

唔知係唔係唔舒服嘅關係, 好似好眼訓噤 zzz

今朝起身, 已經覺得鼻塞塞 ~

下午仲開始流鼻水 … 時凍時熱 …

應該都係中咗喇 好辛苦呀

為有試下今晚飲杯熱薑荼/熱檸水, 沖返個熱水涼, 早d訓 ~

希望明天就好返啦 ~

今日約咗4:00pm照超聲波~

帶住興奮同緊張嘅心情去Wales

一去到交票後, 就跟藍線行, 坐低等叫名 ~

等嘅時間又係睇bb書嘅時間 …… 一等就一個鐘 ……

終於聽到叫我名 ~ 不過原來姑娘如為我第一次去未問資料, 後未見到已經入咗資料後, 就話等多2個就到我 ~

於是又出返去等叫名 ~

終於等到叫我名入16号房照超聲波喇 ~

帶住興奮同緊張嘅心情入去 ~

入到去姑娘就叫我訓上牀, 之後佢就楂d jelly落我個肚上面, 然後碌下碌下, 真係左碌碌右碌碌~

碌咗好耐, 都冇講嘢, 我又唔敢問 …

突然間姑娘就話, 肚裡面應該係得一個BB係道 ~ 噤我就問佢邊個係BB呀 ?

佢話一陣先話比我知 ~ 又自己係到碌呀碌 ~

終於見到有個似黑色腰果狀, 裡面又有個似白色腰果狀, 係白色腰果狀中間有個位閃下閃下 ~

姑娘就話, 閃下閃下果道就係BB個心跳喇 ~ 係果一刻, 我個感覺好溫暖, 仲有種唔識形容嘅感覺 ~

仲話白色果個係BB, 黑色果個係子宮 ~

噤我又問, 邊到係BB個頭呀 ~ 姑娘話唔係好清楚 !? 應該係左手面喎 ……

噤照完之後我哋就問佢, 噤我個預產期有冇改變呀 ? 係唔係9週BB呀 ?

因為之前姑娘話如果我個預產期有改變就要去改返驗OSCAR個日期架 ~

噤佢就話等佢計計先 ~ 計完之後就叫我訓上牀, 再碌多次reconfirm喎 ~

又再左碌碌右碌碌, 再度多次BB嘅長度 ~

之後就話唔使改喎 ~ 我個BB係細碼BB, 長度係1.88cm ~

佢話之後你去照OSCAR嘅時候會清楚d ~

仲話到5個月嘅時候, 如果政府冇比期我照超聲波嘅話, 就叫我自己book私家照一次結構性超聲波喎 ~

之後我哋就問佢可唔可以比張相我哋, 佢話唔得喎, 噤影低得唔得呀 ? 佢話ok, 噤我哋就影低張超聲波相喇

  9週BB全身

好細小嘅細碼BB ~ 長度係1.88cm

本週身體及胎兒變化情形

幸福的 Kat 目前懷孕 9 週 0 天，預產期是 2008/07/14 ， 216 天後您的小寶貝就出生了。  

我而家嘅　體重 : 108lb
　　　　　肚圍 : 80.5cm   
 

妊娠 3 個月（9～12週）
胎兒成長
胎兒身長：約8公分
胎兒體重：約20公克(約2個小蕃茄的重量)
母體正常變化
子宮底高度：約12公分
羊水量：約50CC

第9週　　進入胎兒期
1 能區分頭與身體，可以分辨出人形，從此階段起，正式稱之為胎兒。
2.頭部佔身體的二分之一，眼珠、耳朵構造大致完成，鼻子也隱約可見。
3.手腳發育成形，可從超音波看出其伸展的動作。
4.橫膈膜生成，胸腔、腹腔各成一獨立結構。
5.妊娠7～9週可藉由超音波量出頭圍，並以頭圍的大小預估生產日期。
第9～10週
1.子宮持續膨大但未凸出骨盆腔，此時體積約一個橘子大。
2. 下腹有壓迫感，頻尿、便祕現象更明顯。
3. 腸胃壓迫仍未明顯，只是有些微腹脹。
下週重點：胎兒肺臟、胃腸構造形成。

 

 

2007年12月10日 – 2007年12月16日
要有充分的睡眠和休息，每天的睡眠時間不少於8小時。即使不把家務和工作放在第一位，也是理所當然的，無須內疚。如家中已有小孩，也要盡量爭取多點休息，例如可趁小朋友午睡時一起小睡一會。     參加產前課程，政府醫院及母嬰健康院除了提供產前檢查外，亦舉辦一系列的產前訓練班，不妨選擇最近居所的地點參加。     開始做孕婦體操，由於妊娠期的體重增加和重心變化，做體操可減輕或解除腿部疲勞，亦可減輕腰部的沉重感。最重要的是可以鍛鍊關節和肌肉，令腰部和骨盤肌肉鬆弛，為順利分娩作好準備。